ساحنا ونەرىنە جۇكتەلەر قوعامدىق سالماقتى تەڭ تۇرعىدا كوتەرىپ كەلە جاتقان, جاڭاشىلدىققا جانى قۇمار ونەر ورداسى قوعامداعى ماڭىزىن الدەقاشان دالەلدەگەن. 1935 جىلى اشىلعان تەاتر ورداسى 84 جىلدىڭ ىشىندە تاياق قۋىرشاقتان باستاپ بۇگىنگى زامان اعىمىنا ساي كۇردەلى ماريونەتكالارمەن, سوڭعى ۇلگىدەگى تەxنيكالىق-لازەرلى كوركەمدەۋلەرمەن جابدىقتالعان. بۇگىندە ۇلتتىڭ رۋxاني قاجەتتىلىگىن وتەپ وتىرعان ونەر ۇجىمىنىڭ العا قويعان باعىتى مەن باعدارى دا ايقىن. ول – قازاقتىڭ قۋىرشاق تەاترى ونەرىن وركەندەتۋ, كەشەگى مەن بۇگىنگى ءومىر اراسىن ونەردىڭ بيىك شىڭى ارقىلى شىنايى كورسەتە ءبىلۋ.
سوڭعى جىلدارى تەاتر بالدىرعاندارعا ارنالعان قويىلىمداردان تىس جاسوسپىرىمدەر مەن ەرەسەكتەرگە ارنالعان تۋىندىلاردى قۋىرشاق بەينەسىندە ساحنالاپ, تەاتر سىنشىلارى مەن قوعام زيالىلارىنىڭ, كورەرمەننىڭ ىستىق ىقىلاسىنا بولەنۋدە. بۇگىندە پاتشا كوڭىلدى كورەرمەن الەمدىك كلاسسيكالىق شىعارمالارداعى مەدەيا, رومەو مەن دجۋلەتتا, تولعاناي («انا-جەر انا»), اقيقىق اقىنىمىز مۇقاعالي بەينەسىن كورۋ ءۇشىن قۋىرشاق تەاترىنا اسىعادى. وسىعان وراي ەلىمىزدە جانە شەتەلدەردە وتكەن رەسپۋبليكالىق, حالىقارالىق تەاتر فەستيۆالدەرىندە توپ جارىپ جۇرگەن ونەر وشاعىنىڭ رەپەرتۋارلىق ساياساتىنىڭ اۋقىمى كەڭ. سونىڭ جالعاسى رەتىندە ۇجىم قويىلىمدارىنىڭ قاتارىنا العاش رەت قۋىرشاق بەينەسىندە قازاقتىڭ ۇلى اقىنى اباي قۇنانباەۆ تۋرالى سىر شەرتەتىن «اباي» سپەكتاكلىن قوسپاق.
اتالعان قويىلىم اباي قۇنانباي ۇلىنىڭ 175 جىلدىق مەرەيتويىن اتاپ ءوتۋ اياسىندا ءھام «رۋحاني جاڭعىرۋ» باعدارلاماسى بويىنشا ساحنالانباق. قويىلىم رەجيسسەرى – انتون زايتسەۆ.
اباي ۇلىلىعى مەن دۇنيەتانىمى ءبىر عانا حالىقتىڭ شەڭبەرىنە سىيمايدى, دانىشپان اقىننىڭ دانا وي-تۇجىرىمدارى مەن شىعارمالارى بۇكىلالەمدىك مادەنيەتكە قوسىلعان التىن قور ەكەنىن نازارعا الساق, مەملەكەتتىك قۋىرشاق تەاترى ۇجىمىنىڭ كورەرمەن نازارىنا ۇسىنعالى وتىرعان «اباي» قويىلىمىنىڭ نەگىزگى ماقسات-مىندەتى – اباي الەمىنىڭ بار قۇدىرەتىن, بولمىس-قۇپياسىن تورتكۇل دۇنيەگە ساحنا ونەرى ارقىلى بارىنشا جان-جاقتى تانىتىپ, سول ارقىلى حالقىمىزدىڭ مادەني دامۋ ايشىقتارىن, ۇلتتىق ەرەكشەلىكتەرى مەن رۋحاني جەتىستىكتەرىن الەمگە ايگىلەۋ.
سپەكتاكل اقىننىڭ قاراسوزدەرىنە نەگىزدەلەدى. اباي قاراسوزىندە ءومىر شىندىعىن قوزعاعان رەاليست جازۋشى, حالىقتىڭ مۇڭ-مۇقتاجىن كوكسەگەن دەموكرات, قوعام قايراتكەرى, ءىرى تالانت يەسى, اعارتۋشى, تەرەڭ ويدىڭ يەسى بولىپ كورىنەدى. ول ءوزىنىڭ قاراسوزدەرى ارقىلى قازاق اراسىنداعى وزبىرلىققا, قاناۋعا, قارا كۇشكە نەگىزدەلگەن ەل بيلەۋ تارتىبىنە, ز ۇلىمدىققا, ناداندىققا, ەڭبەكسىز ازعان ومىرگە, بۇزىلعان مىنەز-ق ۇلىققا, ادامگەرشىلىككە, جۇگەنسىز ءتالىم-تاربيەگە, كەرتارتپا ادەت-عۇرىپقا, ەلدىڭ ساناسىنداعى زياندى ۇعىم, تەرىس تۇسىنىككە قارسى شىققان زامانىنىڭ مەيىرىمسىز سىنشىسى بولدى.
سونداي-اق قاراسوزدەر اقىننىڭ تەرەڭ ويى مەن ۇلى ارمانىن ايقىن كورسەتتى. عىلىمي, فيلوسوفيالىق, مورالدىق ءدىني ماسەلەلەر ولەڭدەرىنەن گورى قاراسوزدەرىندە ايقىنىراق كورىنىس تاپقاندىقتان, تەاتردىڭ شىعارماشىلىق قۇرامى ويشىلدى جاڭا بەينەدە ساحنالاپ, كورەرمەنىمەن قاۋىشتىرۋعا اسىق.
مەملەكەتتىك قۋىرشاق تەاترىنىڭ ۇجىمى الماتى قالاسىنىڭ تۇرعىندارى مەن قالا قوناقتارىن عاجايىپقا تولى قۋىرشاقتار الەمىنە بىرگە ساياحات جاساپ, ونەر سۇيەر جانداردىڭ جانىنا رۋحاني ازىق سىيلاپ, كوڭىل پەردەسىن اسەم كۇيگە بولەۋ ءۇشىن اتالمىش سپەكتاكلدى بىرگە تاماشالاۋعا شاقىرادى.
گ ۇلىم كوپبايقىزى,
تەاترتانۋشى
