بيىل 1964 جىلى ىرگەسىن قالاعان مەديتسينالىق مەكەمەنىڭ الدى, شاتىرى جانە قورشاۋ مەن پاندۋسقا كۇردەلى جوندەۋ جۇمىستارى جاسالىپ, اۋلا اباتتاندىرىلدى. 2018 جىلى اۋرۋحانا «ناۆيگاتسيا» اقپاراتتىق جۇيەسىن قوستى. سونداي-اق حيرۋرگيالىق جانە گينەكولوگيالىق وتا جاساۋ ءۇشىن ەلەكترلى كواگۋلياتور مەن 20 كومپيۋتەر ساتىپ الىندى. بۇل اۋرۋحانادا رەسپۋبليكالىق ماڭىزدى تاس جولىندا جول-كولىك وقيعاسىنا تۇسكەن جاندارعا شۇعىل تۇردە كومەك كورسەتەدى.
اۋرۋحانادا 4 حيرۋرگ قىزمەت ەتەدى. ماماندار اپتاسىنا ورتاشا ەسەپپەن 5 جوسپارلى وتا جاسايدى. مەديتسينالىق مەكەمە باسشىلىعى توپار كەنتىندە دارىگەر تاپشىلىعى جوق دەپ ماقتانىشپەن ايتتى.
«دارىگەرلەرگە تاپشىلىق سىندى ماسەلە تۋىنداعان جوق. دارىگەرلەر ەڭبەك دەمالىسىنا كەتكەندە دە ءاردايىم ورنىن اۋىستىراتىن مامان بار» دەدى اۋرۋحانا ديرەكتورى ناتاليا بەلان.
ە.ءبىرتانوۆ قازىر اۋرۋحانا قىزمەتكەرلەرىنە ادامداردى مىندەتتى الەۋمەتتىك مەديتسينالىق ساقتاندىرۋ جۇيەسىمەن تانىستىرۋعا كوپ كوڭىل ءبولۋ كەرەكتىگىن اتاپ ءوتتى. سەبەبى 1 قىركۇيەكتەن باستاپ قاراعاندى وبلىسىندا ءمامس پيلوتتىق جۇيەسى ىسكە قوسىلادى.
«ەندى كىم ساقتاندىرۋ جۇيەسىنە تىركەلگەنىن, كىمنىڭ جوق ەكەنىنە نازار اۋدارۋ كەرەك. مەديتسينا قىزمەتكەرلەرى تولىققاندى تۇسىندىرۋگە دايىن بولۋلارى كەرەك. دارىگەرلەر مەديتسينالىق كومەكتىڭ بازالىق پاكەتىنە نە كىرەتىنىن جانە قوسىمشا تاعى قانداي كومەك كورسەتىلەتىنىن بىلسە ەكەن دەيمىز. ازىرگە پيلوتتىق جۇيەدە پروفيلاكتيكالىق تەكسەرۋ مەن وڭالتۋ عانا بار. كەلەسى جىلى تەگىن ءدارى-دارمەكتەردىڭ ءتىزىمىن ەكى ەسەلەندىرۋدى جوسپارلاپ وتىرمىز» دەپ ءسوزىن قورىتىندىلادى ە.ءبىرتانوۆ.
