رەسەيدىڭ چەليابى قالاسىنداعى "تراكتور" ارەناسىندا وتكەن بوكس كەشىنىڭ اندەركارتىندا قازاقستاندىق بوكسشى تورەشىلەر شەشىمىمەن جەڭىسكە جەتتى. وسى بوكس كەشىنىڭ باستى كەزدەسۋىندە جارتىلاي اۋىر سالماقتا WBO تۇجىرىمى بويىنشا الەم چەمپيونى سەرگەي كوۆالەۆ ۇلىبريتانيالىق ەنتوني ياردتى نوكاۋتقا ءتۇسىردى.
26 جاستاعى نۇرسۇلتانوۆ سپورتتىق مانسابىندا 11 كەزدەسۋ وتكىزىپ, بارلىعىندا دا جەڭىسكە جەتتى. سەگىز كەزدەسۋدى مەرزىمىنەن بۇرىن اياقتادى. 30 جاستاعى وسيپوۆ بولسا وسىمەن ەكىنشى رەت جەڭىلدى, ول 15 رەت (10 نوكاۋت) جەڭىسكە جەتكەن.
ايتا كەتەيىك, نۇرسۇلتانوۆ رەسەيدە العاش رەت ونەر كورسەتتى. وسىعان دەيىنگى جەكپە-جەكتەردىڭ بارلىعىن دەرلىك ول اقش-تا وتكىزگەن, ال قازاقستاندا ءبىر عانا كەزدەسۋ ۇيىمداستىردى.
كوۆالەۆ پەن نۇرسۇلتانوۆتى مەنەدجەر ەگيس كليماس پەن Main Events پروموۋتەرلىك كومپانياسى بايلانىستىرادى.
