ايماقتار • 24 تامىز، 2019

بولىنگەن قاراجات شىن مۇقتاج وتباسىنا جەتۋى ءتيىس – پاۆلودار وبلىسىنىڭ اكىمى

286 رەتكورسەتىلدى

- بيىل حالىقتىڭ ءال-اۋقاتىن ارتتىرۋ جانە تۇرعىنداردىڭ از قامتىلعان توپتارىن قولداۋعا كوپ كوڭىل بولىنۋدە، - دەدى مۇعالىمدەردىڭ تامىز كونفەرەنتسياسىندا وبلىس اكىمى بولات باقاۋوۆ.

ال وبلىس پەداگوگتارى  ءبىر كۇندىك جالاقىلارىن ءبولىپ، «ارىس، ءبىز بىرگەمىز» شاراسىنا قاتىسىپ، تۇرعىندارعا كومەك رەتىندە 26 ميلليون تەڭگە جىبەرىلدى.

 ارىس قالاسىنان 300 بالا ساۋىقتىرۋ لاگەرلەرىندە دەمالۋعا مۇمكىندىك الدى جانە بۇل ولاردىڭ پسيحولوگيالىق جاعدايىنا وڭ اسەر ەتۋگە مۇمكىندىك بەردى.

سونداي-اق ءبىزدىڭ وڭىردە ىسكە قوسىلعان «Nurly Ertis» باعدارلاماسى اياسىندا 130-دان استام كوپ بالالى وتباسى ەرتىس وڭىرىنە كوشىپ كەلدى.

ولارعا قاجەتتى كومەك كورسەتىلدى. بارلىعى تۇرعىن ۇيمەن جانە جۇمىسپەن قامتاماسىز ەتىلدى، بالالار بالاباقشالار مەن مەكتەپتەرگە ورنالاستىرىلدى.

وبلىس قالالارىندا 7-18 جاس ارالىعىنداعى كوپ بالالى جانە از قامتاماسىز ەتىلگەن وتباسىلاردىڭ بالالارى قوعامدىق كولىكتە تەگىن جول جۇرە الادى. بۇل ماقساتقا 54 ملن تەڭگە ءبولىندى.

 سونىمەن قاتار، وبلىس  ورتالىعىنداعى كوللەدجدەردىڭ 1-4 كۋرس ستۋدەنتتەرىنە اي سايىن جەڭىلدىكپەن جول ءجۇرۋ مۇمكىندىگى قاراستىرىلىپ جاتىر.

 وبلىستىق بيۋدجەتتەن بالاباقشالار مەن مەكتەپتەرگە باراتىن كوپ بالالى جانە از قامتىلعان وتباسىلاردىڭ بالالارى تەگىن تاماقتانۋ ءۇشىن دە قارجى بولىنگەن.

- بارلىق بولىنگەن ماقساتتى قاراجات شىنىمەن قاجەت ەتەتىن وتباسىنا جەتۋى ءتيىس، - دەدى وبلىس اكىمى. 

 

پاۆلودار وبلىسى

 

 

 

 

سوڭعى جاڭالىقتار

ۇقساس جاڭالىقتار