ايماقتار • 24 تامىز، 2019

پاۆلوداردا  ۇزدىك مەكتەپتەرگە 30 ميلليون تەڭگەنىڭ سەرتيفيكاتى تابىستالدى  

279 رەتكورسەتىلدى

وبلىس ورتالىعىندا وتكەن قالالىق تامىز كەڭەسىندە 2018-2019 وقۋ جىلىنىڭ قورىتىندىسى شىعارىلدى.

قالالىق ءبىلىم بەرۋ ءبولىمىنىڭ باسشىسى سامال ايتقازينانىڭ  مالىمدەۋىنشە، بيىل قالالىق ءبىلىم بەرۋ جۇيەسىنىڭ قارجىلاندىرىلۋى 18 ملرد تەڭگەدەن اسقان.

جاڭا وقۋ جىلىنا دەيىن 14 مەكتەپكە كۇردەلى جوندەۋ جۇمىستارى جاسالىپ،  283 ميلليون تەڭگە جۇمسالعان.

وقۋشىلاردى قاجەتتى وقۋلىقتارمەن قامتاماسىز ەتۋ ءۇشىن جاڭا وقۋ جىلىندا 508،6 ميلليون تەڭگە بولىنگەن.

   جوعارى كاسىبيلىگى ءۇشىن  ءبىلىم جانە عىلىم مينيسترلىگىنىڭ قۇرمەت گراموتاسى، العىس حاتتارىمەن ايمان تۇكەنوۆا، گۇلنار قازكەنوۆا، ەرمەك اۋباكىر، گۇلميرا  ەسماقاەۆا،  سابيرا جامبىلقىزى، ەلەنا دورن، گۋلحان جۇماباي، قۋانىش مەيرام ۇلى، بلوك ناتاليا جانە باسقا دا مۇعالىمدەر ماراپتاتتالدى.

  سونداي-اق «التىن ەسىمدەر كىتابىنا»  ساۋلە حاسانوۆا، نيكولاي  سيلكين، گۋلسينا  شيندليارسكايانىڭ ەسىمدەرى جازىلدى.

ال  2018-2019 وقۋ جىلىنداعى رەيتينگتىك باعاسى بويىنشا ۇزدىك اتانعان  №120 بالاباقشا مەن №34 مەكتەپ ارقايسىسى 6 ميلليون تەڭگەنىڭ، №126 بالاباقشا مەن م. اۋەزوۆ اتىنداعى مەكتەپ ارقايسىسى 5 ميلليون تەڭگەنىڭ، №49 بالاباقشا مەن ب. مومىش ۇلى اتىنداعى مەكتەپ ارقايسىسى 4 ميلليون تەڭگەنىڭ سەرتيفيكاتتارىن الدى.

 سونىمەن بىرگە  №34 مەكتەپ پەن «ەكولوگيا جانە تۋريزم بالالار ورتالىعى» بالالاردىڭ جازعى دەمالىسىن، ساۋىقتىرىلۋىن جانە بوس ۋاقىتىن ءتيىمدى ۇيىمداستىرۋ بويىنشا وتكەن «جاز-2019» قالالىق بايقاۋدىڭ جەڭىمپازدارى اتانىپ، قارجىلاي سىيلىق تابىس ەتىلدى.

پاۆلودار

سۋرەتتى تۇسىرگەن: ولگا بۋگاەۆا

سوڭعى جاڭالىقتار

تەاتردىڭ ونلاين تارتۋى

رۋحانيات • كەشە

ءۇي جانۋارىنان ۆيرۋس جۇعا ما؟

كوروناۆيرۋس • كەشە

ۇقساس جاڭالىقتار