بيىلعى 11-ءشى تايفۋن تايۆاننىڭ وڭتۇستىك-شىعىسىنا سەنبى كۇنى كەلۋى نەمەسە اينالىپ ءوتۋى ىقتيمال. ءارى قاراي سەنبى كۇنى تۇندە نەمەسە جەكسەنبى تاڭەرتەڭ فۋتسزيان مەن گۋاندۋن پروۆينتسيالارىنىڭ جاعالاۋ ماڭىنداعى اۋداندارىنا جىلجيدى دەپ حابارلايدى قىتايدىڭ ۇلتتىق مەتەورولوگيالىق ورتالىعى.
ورتالىق قاتتى جەل مەن جاۋىنعا بايلانىستى تايۆان, فۋتسزيان, چجەتسزيان, گۋاندۋن, شانسي, سىچۋان جانە يۋننان پروۆينتسيالارىندا ەسكەرتۋ جاريالادى. كەيبىر اۋدانداردا ساعاتىنا 60 مم-گە دەيىن جاۋىن-شاشىن جاۋادى. سونداي-اق قىتايدىڭ ۇلتتىق مەتەورولوگيالىق ورتالىعى تۇرعىنداردان بەلسەندى دەمالىستان باس تارتىپ, جەرگىلىكتى بيلىكتى جاڭبىر سالدارىنان بولۋى مۇمكىن سۋ تاسقىنىنا قارسى ساقتىق شارالارىن قولدانۋعا شاقىرىپ جاتىر.
قىتايدا كۇردەلى اۋا رايى جاعدايى تۋرالى حالىققا ەسكەرتۋ ءۇشىن ءتورت دەڭگەيلى كورسەتكىش: قىزىل, سارعىلت, سارى جانە كوك ءتۇس قولدانىلادى.
