رۋحانيات • 24 تامىز، 2019

قاليولا احمەتجاننىڭ «ۋاقىتقا ساياحات» اتتى كورمەسى اشىلدى

194 رەتكورسەتىلدى

ەلورداداعى ۇلتتىق مۋزەيدە تانىمال سۋرەتشى، مادەنيەت قايراتكەرى، تاريح عىلىمدارىنىڭ كانديداتى، قارۋتانۋشى-ەتنوگراف، قازاقستان سۋرەتشىلەر وداعىنىڭ مۇشەسى قاليولا احمەتجاننىڭ 70 جىلدىعىنا جانە شىعارماشىلىق قىزمەتىنىڭ 40 جىلدىعىنا ارنالعان «ۋاقىتقا ساياحات» اتتى مەرەيتويلىق كورمە اشىلدى.

ءىس-شارانىڭ اشىلۋ سالتاناتىندا ءسوز العان ۇلتتىق مۋزەي ديرەكتورى ارىستانبەك مۇحامەدي ۇلى قاليوللا احمەتجاننىڭ كارتينالارى ەلىمىزدە جانە شەت ەلدەردە تانىمال ەكەنىن ايتتى.

«سۋرەتشىنىڭ تۋىندىلارى اۆتوردىڭ ويلاپ تاپقان بىرەگەي كەسكىندەمە تەحنيكاسىندا جاسالعان جانە قازاقستاننىڭ ەڭ ۇزدىك مۋزەيلەرىنىڭ كوللەكتسيالارىندا، ەلىمىزدەگى جانە شەتەلدەردەگى جەكە كوللەكتسيالاردا ساقتالعان.

«ۋاقىتقا ساياحات» كورمەسىندە كورەرمەندەر كورەتىن بارلىق تۋىندى قازاقستاننىڭ زاماناۋي مادەنيەتىنىڭ جارقىن كوركەم فەنومەنى، كەرەمەت سۋرەتشىمىزدىڭ ۇلكەن جەتىستىكتەرىنىڭ دالەلى رەتىندە ەستە قالادى. جاس سۋرەتشىلەر ءۇشىن احمەتجاننىڭ شىعارماشىلىعى لايىقتى ۇلگى، ادامنىڭ ەڭبەكپەن قانداي جەتىستىككە جەتەتىنىنىڭ كەرەمەت دالەلى» دەدى مينيستر.

قاليوللا احمەتجان – توپتىق، قالالىق، رەسپۋبليكالىق جانە چەحوسلوۆاكيا، ەفيوپيا، وڭتۇستىك كورەيا، گەرمانيا، تۇركيا، قىتاي جانە اقش سىندى مەملەكەتتەردە وتكەن كوپتەگەن كورمەگە قاتىسقان. سۋرەتشىنىڭ تۋىندىلارى  ءا.قاستەەۆ اتىنداعى مەملەكەتتىك بەينەلەۋ ونەرى مۋزەيى، ۇلتتىق مۋزەي، مەملەكەتتىك مۋزەي، تۇڭعىش پرەزيدەنت مۋزەيى، شىعىس قازاقستان وبلىستىق نەۆزوروۆتار وتباسى اتىنداعى بەينەلەۋ ونەرى مۋزەيى، كۋتايسي كارتينالار گالەرەياسى (گرۋزيا)، تۇركى مادەنيەتىنىڭ حالىقارالىق ۇيىمى  (تيۋركسوي)،  ەلابۋگا مەملەكەتتىك تاريحي-ساۋلەتتىك جانە كوركەم ونەر قورىق مۋزەيى (رەسەي) قورلارىندا، قازاقستان، انگليا، اقش، شۆەتسيا، پاكىستان، گەرمانيا، يران، جاپونياداعى جەكە كوللەكتسيالاردا ساقتاۋلى تۇر. ەكسپوزيتسيادا سۋرەتشىنىڭ ءار جىلدارى ءارتۇرلى جانرلاردا ءارتۇرلى تەحنيكالىرمەن جاساعان كارتينالارى، كىتاپ يلليۋستراتسيالارى، مۋلتفيلم ەسكيزدەرى، مۋزەي ەكسپوزيتسيالارىنىڭ، تاريحي رەكونسترۋكتسيالاردىڭ جوبالارى تانىستىرىلاتىن بولادى. 

ق.احمەتجان كوپ جىلدان بەرى عىلىمي زەرتتەۋ جۇمىستارىمەن دە اينالىسىپ كەلەدى. ول قازاقتىڭ ءداستۇرلى قارۋ-جاراقتارىنىڭ تاريحى بويىنشا رەسپۋبليكاداعى جالعىز مامان سانالادى، التى مونوگرافيالىق، 100-دەن استام عىلىمي جانە عىلىمي-كوپشىلىك ماقالانىڭ اۆتورى.

كورمەگە اۆتوردىڭ قازاقتىڭ قارۋ-جاراق تاريحى، قازاقستان فولكلورى جانە تاريحى بويىنشا اۆتوردىڭ ءوزى يلليۋستراتسيالاعان كىتاپتارى، عىلىمي باسىلىمدارداعى ماقالالارى، قر مۋزەي قورلارىنداعى قازاقتاردىڭ ءداستۇرلى قارۋ-جاراقتارىن زەرتتەگەن جۇمىستارىن كورسەتەتىن قولجازبالارى قويىلعان.

 

 

 

 

سوڭعى جاڭالىقتار

مەشىتتە بەتپەردە تسەحى اشىلدى

ايماقتار • بۇگىن، 07:35

اۋدان ءومىرىنىڭ ايناسى

ايماقتار • بۇگىن، 07:27

ارمان الاسارماسىن

رۋحانيات • بۇگىن، 07:22

ديقان ديزەلدى تومەن باعاعا الادى

ەكونوميكا • بۇگىن، 07:11

كوروناۆيرۋسسىز قوستاناي

ايماقتار • كەشە

ۇقساس جاڭالىقتار