ايماقتار • 24 تامىز، 2019

شقو كوكپەكتى اۋدانىندا "تولاعاي سۇلتانى" حالىقارالىق سايىسى باستالدى

101 رەتكورسەتىلدى

كوكپەكتى اۋىلىندا حالىقارالىق "تولاعاي سۇلتانى" سايىسى باستالدى. وبلىستىق ىشكى ساياسات باسقارماسى، جاستار رەسۋرستىق ورتالىعى مەن كوكپەكتى اۋدانى اكىمدىگىنىڭ ۇيىمداستىرۋىمەن ءوتىپ جاتقان شاراعا ەلىمىزدىڭ وبلىستارى مەن ءوڭىردىڭ اۋداندارىنان، موڭعوليادان ۇزىن سانى 23 جىگىت قاتىسىپ جاتىر.

جارىس ەكى كۇنگە سوزىلادى دەپ جوسپارلانعان. بۇگىن بىلەكتى جىگىتتەر جامبى اتۋ، تەڭگە الۋ، قول كۇرەس، اۋدارىسپاق، قازاق كۇرەسى سىندى سپورت تۇرلەرىنەن باق سىناسا، ەرتەڭ قاتىسۋشىلار ءبىلىمى مەن ونەرى تارازىعا سالاتىن بولادى.
سايىستىڭ اشىلۋ سالتاناتىندا شىعىس قازاقستان وبلىسىنىڭ قۇرمەتتى ازاماتى، ىشكى ىستەر ءمينيسترىنىڭ كەڭەسشىسى بادەلحان كامالحان ۇلى، وبلىستىق ىشكى ساياسات باسقارماسى باسشىسىنىڭ ورىنباسارى ريشاد ساعيبەك ۇلى مەن كوكپەكتى اۋدانى اكىمى اسحات سمايىلوۆ ءسوز الىپ، قاتىسۋشىلارعا ساتتىلىك تىلەدى.

شىعىس قازاقستان وبلىسى 

سوڭعى جاڭالىقتار

ۇقساس جاڭالىقتار