قوعام • 23 تامىز، 2019

ورالماندار ءۇشىن ازاماتتىق الۋ مەرزىمى وسى جىلدىڭ سوڭىنا دەيىن ۇزارتىلدى — ب. ساپارباەۆ

169 رەت كورسەتىلدى

تاريحي وتانىنا ورالعان وتانداستارىمىزدى قولداۋ شارالارى تۋرالى قر ۇكىمەتىندە وتكەن بريفينگتە قر پرەمەر-ءمينيسترىنىڭ ورىنباسارى بەردىبەك ساپارباەۆ ايتىپ بەردى. بۇل تۋرالى primeminister.kz حابارلادى. 

ب. ساپارباەۆ اتاپ وتكەندەي، وتكەن كەزەڭدە 1 ملن اسا قانداسىمىز قازاقستانعا ورالعان. بارىنە ءتيىستى كومەك كورسەتىلدى: تۇرعىن ءۇي بەرۋ، جول شىعىنىن وتەۋ، كۇنكورىس شىعىندارىن وتەۋ، ولاردىڭ بالالارىن مەكتەپتەر مەن بالاباقشالارعا ورنالاستىرۋ، مەديتسينالىق قىزمەتتەرمەن قامتۋ.

«كەيبىر وڭىرلەردە، مىسالى، پاۆلودار، شىعىس قازاقستان وبلىستارىندا، شىمكەنت قالاسىندا جانە باسقا وڭىرلەردە تۇتاس ءبىر اۋىلدار سالىندى. سونىمەن قاتار، التى وڭىردە قانداستارىمىزدىڭ قازاقستاننىڭ زاڭدارىنا، ومىرىنە، سالتىنا جىلدام ۇيرەنۋى ءۇشىن وڭالتۋ ورتالىقتارى سالىندى»، — دەدى قر پرەمەر-ءمينيسترىنىڭ ورىنباسارى.

بۇگىندە باسقا مەملەكەتتەردەن كوشىپ كەلەتىن قانداستارىمىزعا قولداۋ كورسەتۋ جالعاسۋدا. وتكەن 7 ايدا ەلىمىزگە 6 مىڭنان استام قانداسىمىز كوشىپ كەلگەن. 

سونىمەن قاتار ب. ساپارباەۆ قازاقستانعا ورالعان كەيبىر قازاقتار قۇجاتتارىن ۋاقىتىلى تاپسىرماعاندىقتان، قر ازاماتتىعىن الا الماي جۇرگەنىن ايتتى. قولدانىستاعى زاڭ بويىنشا وعان ءبىر جىل ۋاقىت بەرىلەدى.

«بيىل ەلباسى تاپسىرماسى بويىنشا بۇل مەرزىم وسى جىلدىڭ سوڭىنا دەيىن ۇزارتىلدى. ءبىز بۇل جايلى باق-تا حابارلادىق. وسى ءساتتى پايدالانىپ، ازاماتتىق الماعان ورالمانداردىڭ ونى الۋى كەرەكتىگىن ايتا كەتكىم كەلەدى»، — دەپ ءتۇسىندىردى ب. ساپارباەۆ.

سوڭعى جاڭالىقتار

سەمەيگە «سەرگەك» ورناتىلادى

ايماقتار • بۇگىن، 14:56

اكىم اقىنعا قۇرمەت كورسەتتى

ايماقتار • بۇگىن، 14:52

سقو پد باستىعى حالىقپەن كەزدەستى

ايماقتار • بۇگىن، 11:17

ۇقساس جاڭالىقتار