- بۇگىندە قازترانسويلدا 32 جاسقا دەيىنگى 1213 جاس مامان جۇمىس ىستەيدى. كومپانيا جاستارعا ۇلكەن ءۇمىت ارتادى. ولاردى قولداۋ ماقساتىندا ارنايى جول كارتاسى ازىرلەندى. كەشەندى قۇجاتتا جاستاردىڭ كاسىبي دامۋى, يننوۆاتسيالار جانە تەحنولوگيالار, قاۋىپسىزدىك مادەنيەتى, پاتريوتتىق تاربيە, سالاۋاتتى ءومىر سالتىن ناسيحاتتاۋ, قايىرىمدىلىق, ستۋدەنتتەردى قولداۋ سياقتى جاستاردىڭ دامۋىنا ىقپال ەتەتىن باسىم باعىتتار قاراستىرىلعان. بۇگىندە كومپانيادا كادرلىق رەزەرۆ ساياساتىن جەتىلدىرۋ جوسپارلانىپ وتىر. كادرلىق رەزەرۆكە قابىلداۋ بويىنشا جاسقا شەكتەۋ قويىلمايدى, دەگەنمەن تاڭداۋ كەزىندە بولاشاعى زور جاس ماماندارعا باسىمدىلىق بەرىلەدى, دەدى باس ديرەكتور ديماش دوسانوۆ.
ايتا كەتۋ كەرەك, جاستار جىلىنا وراي «قازترانسويل» اق 5 جىلعا ەسەپتەلگەن اۋقىمدى جوبانى باستاپ كەتتى. ەلىمىز بويىنشا جاز بويى 400-دەن استام كوللەدج جانە جوعارى وقۋ ورىندارىنىڭ ستۋدەنتتەرى وندىرىستىك تاجىريبەدەن وتۋدە. كاسىبي تۇرعىدان دامۋعا مۇمكىندىك العان كوللەدج وقۋشىلارىنا كومپانيا 70-80 مىڭ, ال ۋنيۆەرسيتەت ستۋدەنتتەرىنە 100-120 مىڭ تەڭگە كولەمىندە شاكىرتاقى تولەۋدە. بۇل دا جاستارعا جاسالعان قامقورلىق.
كونفەرەنتسيا اياسىندا «قازترانسويل» اق باس ديرەكتورىنىڭ ورىنباسارى ورال يدىرىسوۆ, «سامرۇق-قازىنا» اق ترانسفورماتسيا جوبالارى پورتفەلىن باسقارۋ دەپارتامەنتىنىڭ ديرەكتورى ماديار سۇلتانبەك, «قازترانسويل» اق پايدالانۋ دەپارتامەنتىنىڭ جەتەكشى ينجەنەرى, جاس ماماندار كەڭەسىنىڭ توراعاسى دانيار سماعۇلوۆ, «سامرۇق-قازىنا» اق كورپوراتيۆتى ۋنيۆەرسيتەتىنىڭ اتقارۋشى ديرەكتورى داۋرەن بەسپالينوۆ, «جاس وركەن» باعدارلاماسىنىڭ تۇلەگى, «سامرۇق–قازىنا» كورپوراتيۆتى ۋنيۆەرسيتەتىنىڭ ساراپتاما جانە روبوتيزاتسيا ورتالىعىنىڭ ساراپشى – مەنەدجەرى ءادىل ءابدىحانوۆ جاس ماماندارمەن ساراپشى رەتىندە ءوز پىكىرلەرىمەن ءبولىستى.
- بيىل مۇنايلى ولكەدە ءوتىپ جاتىرعان فورۋمنىڭ ماقساتى – وزىق ويلى, مىقتى جاس ماماندار بۋىنىن قالىپتاستىرۋ. ولاردىڭ تىڭ يدەيالارىن ءبىر ارناعا توعىستىرىپ, جاڭا باستامالارىنا قولداۋ ءبىلدىرۋ – وتە ماڭىزدى. ءبىزدىڭ بولاشاعىمىز – جاستار. كومپانيا ولارعا ۇلكەن ءۇمىت ارتادى, دەيدى كومپانيا باس ديرەكتورىنىڭ ورىنباسارى ورال يدىرىسوۆ.
فورۋم اياسىندا وتكەن عىلىمي-پراكتيكالىق كونفەرەنتسيادا جاس راتسيوناليزاتورلار مۇناي قۇبىرلارىنىڭ ىشكى بەتىنىڭ كورروزيا پروتسەسستەرىن زەرتتەۋ, تومەن تەمپەراتۋرا جاعدايىندا مۇناي تاسىمالىنىڭ ءتيىمدى تاسىلدەرى, تاعى دا باسقا عىلىمي جوبالىرى تۋرالى ايتىپ بەردى.
اتىراۋلىق نۇرجان قونارباەۆ مۇناي قۇبىرلارىن دياگنوستيكالاۋدى كومپيۋتەرلىك باعدارلامالاۋ بويىنشا ءوز جوباسىن ۇسىندى. ماڭعىستاۋ مۇناي قۇبىرى باسقارماسىنىڭ باقىلاۋ ولشەۋ اسپاپتارى جانە اۆتوماتيكا مامانى سىرىم ءابدىجامال مۇناي قۇبىرلارىن تازارتۋ قۇرىلعىلارىنا ونلاين تارتىبىندە تالشىقتى-وپتيكالىق بايلانىس جەلىسى ارقىلى مونيتورينگ جاساۋ جوباسىن باسشىلىق نازارىنا ۇسىندى.
جالپى عىلىمي كونفەرەنتسيا جاڭا يدەيالار از بولعان جوق. كونفەرەنتسيا جۇمىسىنا قاتىسقان «قازترانسويل» اق باس ديرەكتورىنىڭ ورىنباسارى الەن تاڭاتاروۆ ءوندىرىس ءۇشىن تەحنولوگيالىق جانە ەكونوميكالىق تۇرعىدان ءتيىمدى جوبالارعا كومپانيا قولداۋ بىلدىرۋگە دايىن ەكەندىگىن اتادى. تەحنيكالىق ساياسات دەپارتامەنتىنىڭ باسشىسى بەرىك ساياحوۆ جاستاردىڭ تىڭ يدەيالارىنا جوعارى باعا بەردى.
فورۋمدا جاستار «كوپشىلىك الدىندا سويلەۋ مانەرى», «Time management», «ۇقىپتى ءوندىرىس» تاقىرىبى بويىنشا ترەنينگتەرگە قاتىستى. بۇدان وزگە «كومپانيا بولاشاعىن قالاي كورەمىن» تاقىرىبىندا ەسسە جازۋدان جارىس ءوتىپ, جەڭىمپازدارعا قۇرمەت گراموتالارى تابىستالدى. ولار: ماڭعىستاۋ مۇناي قۇبىرى باسقارماسىنىڭ «بەينەۋ» جەلىلىك وندىرىستىك – ديسپەتچەرلىك ستانتسياسىنىڭ جەلىلىك مۇنايقۇبىرشىسى تولەگەن قىلىشباەۆ, باتىس وپەراتورلىق قىزمەتتەر باسقارماسى جوسپارلاۋ-ەكونوميكالىق قىزمەتى باستىعىنىڭ ورىنباسارى ولجاس سىپاتاەۆ, تاريفتەردى رەتتەۋ دەپارتامەنتىنىڭ مەنەدجەرى داۋلەن قابدۋشەۆ, قۇلسارى مۇناي قۇبىرى باسقارماسى «قوسشاعىل» وندىرىستىك - ديسپەتچەرلىك ستانتسياسىنىڭ ينجەنەر – حيميگى گۇلشات مۇقانوۆا, جەزقازعان مۇناي قۇبىرى باسقارماسى ماگيسترالدى قۇبىرلاردى پايدالانۋ قىزمەتىنىڭ دياگنوستيكا جونىندەگى ينجەنەرى مەيىرجان سەرىكوۆ, قاراعاندى مۇناي قۇبىرى باسقارماسىنىڭ اقپاراتتىق جۇيەلەرگە قىزمەت كورسەتۋ بويىنشا ۋچاسكە ينجەنەر – پروگرامميسى جۇلدىز قۋانىشباەۆا, ماڭعىستاۋ مۇناي قۇبىرى باسقارماسى ماگيسترالدى قۇبىرى پايدالانۋ قىزمەتىنىڭ ينجەنەرى مۇحتار رزيەۆ, ماڭعىستاۋ مۇناي قۇبىرى باسقارماسى ورتالىق حيميالىق زەرتحانا مەڭگەرۋشىسى داميليا ساداقباەۆا, «ماگيسترالدى سۋ اعىزعىسى» جشس «قيعاش» باس سۋسوراپ ستانتسياسىنىڭ اپاتتى قالپىنا كەلتىرۋ پۋنكتىنىڭ شەبەرى ارتۋر تىلەندەەۆ, جەزقازعان مۇناي قۇبىرى باسقارماسى كادر ىزمەتىنىڭ باسشىسى جانات قازبەكوۆ ماراپاتتالدى.
«قازترانسويل» اق جاس ماماندار فورۋمىنا اقتوبە, اتىراۋ, قاراعاندى, قۇلسارى, ماڭعىستاۋ, پاۆلودار, شىمكەنت مۇناي قۇبىرى باسقارمالارىنان, شىعىس جانە باتىس وپەراتورلىق قىزمەتتەر كورسەتۋ باسقارمالارىنان, «عىلىمي-تەحنيكالىق ورتالىق» فيليالى, «ماگيسترالدى سۋ اعىزعىسى» جشس – دان - بارلىعى 100 جاس مامان قاتىستى.
ماڭعىستاۋ وبلىسى
