تاراپتار ەكىجاقتى ساياسي, ەكونوميكالىق جانە مادەني-گۋمانيتارلىق ىنتىماقتاستىقتىڭ جاي-كۇيى مەن پەرسپەكتيۆالارى, وڭىرلىك جانە حالىقارالىق كۇن تارتىبىندەگى وزەكتى ماسەلەلەرگە قاتىستى كەڭ اۋقىمدى ماسەلەلەردى تالقىلادى.
«قازاقستان رەسپۋبليكاسى مەن بىرىككەن اراب امىرلىكتەرى سوڭعى جىلدارى ەلەۋلى وڭ سەرپىن العان ءداستۇرلى دوستىق, ارىپتەستىك قارىم-قاتىناستاردى بايلانىستىرادى. ءبىز بارلىق سالالارداعى ءوزارا ءتيىمدى بايلانىستاردى ودان ءارى دە بەلسەندى تۇردە ارتتىرۋعا, حالىقارالىق كۇن تارتىبىندەگى وزەكتى ماسەلەلەر بويىنشا ۇستانىمداردى سالىستىرۋعا, قازاقستان-امىرلىكتىك ەكى جاقتى قاتىناستاردىڭ قۇقىقتىق نەگىزدەرىن نىعايتۋعا بىرلەسىپ جاردەمدەسۋگە نيەتتىمىز», - دەدى ءسىم باسشىسى.
كەزدەسۋ بارىسىندا امىرلىك ەلشى مينيسترگە ءباا پرەزيدەنتى شەيح حاليفا بەن زايد ءال ناحاياننىڭ قازاقستان رەسپۋبليكاسىنىڭ پرەزيدەنتى قاسىم-جومارت توقاەۆقا امىرلىكتەرگە ساپارمەن كەلىپ قايتۋعا شاقىرۋىن تابىس ەتتى.
ەكى ەلدىڭ سىرتقى ساياسي ۆەدومستۆولارىنىڭ باسشىلارى تەڭ توراعالارى بولىپ تابىلاتىن قازاقستان-امىرلىك ۇكىمەتارالىق كوميسسياسىنىڭ 7-ءشى وتىرىسىنا دايىندىق كەلىسسوزدەردىڭ ەرەكشە تاقىرىبى بولدى. تاراپتار بۇل كوميسسيا ەكىجاقتى ساۋدا-ەكونوميكالىق ىنتىماقتاستىقتى تەرەڭدەتۋدىڭ باستى تەتىگى بولىپ تابىلاتىنىنا كەلىستى.
عارىشتى يگەرۋ بويىنشا بىرلەسكەن ىنتىماقتاستىق كەڭ پەرسپەكتيۆالارى اشادى. وسىعان بايلانىستى, تاراپتار №1 الاڭدا («گاگاريندىق ستارت») «سويۋز» ستارتتىق كەشەنىن جانە ۇشىرۋ قىزمەتتەرىنىڭ الەمدىك نارىعىندا سۇرانىسقا يە «سويۋز-2» ورتا كلاستى زىمىران تاسىعىشىن جاڭعىرتۋ جولىمەن «بايقوڭىر» عارىش ايلاعىندا عارىش زىمىران كەشەنىن قۇرۋ جونىندەگى جوبانىڭ ماڭىزدىلىعىن اتاپ ءوتتى. قازاقستان جانە ەميراتتارمەن قاتار رەسەي فەدەراتسياسىدا جوبانىڭ سەرىكتەسى بولىپ تابىلادى.
امىرلىك تاراپ ءباا عارىش سالاسىن دامىتۋعا قولداۋ كورسەتكەنى جانە ىنتىماقتاستىعى ءۇشىن قازاقستانعا العىس ءبىلدىردى. ەلشى سونداي-اق, 25 قىركۇيەكتە بايقوڭىر عارىش ايلاعىنان ءبىرىنشى امىرلىك عارىشكەر حازاا ءال-ءمانسۋريدىڭ ۇشۋى جوسپارلانعانىن جانە وسى ستارتقا ءباا جوعارى ءبىلىم بەرۋ مەملەكەتتىك ءمينيسترى, ۇلتتىق عارىش اگەنتتىگىنىڭ توراعاسى احماد بەلحۋل ءال ءفالاسيدىڭ قاتىسۋى جوسپارلانعانىن حابارلادى.
