جاقىندا نۇر-سۇلتان قالاسىندا HPAIR Asia Conference 2019 (The Harvard College Project for Asian and International Relations), ياعني ازيا حالىقارالىق جاستار كونفەرەنتسياسى وتكەن بولاتىن. HPAIR ۇيىمى مەن گارۆارد ۋنيۆەرسيتەتىنىڭ ونەر جانە عىلىم فاكۋلتەتى جانە نازارباەۆ ۋنيۆەرسيتەتى بىرلەسە ۇيىمداستىرعان شاراعا شىعىس قازاقستانداعى ءىرى ءوندىرىس ورنى – «قازتسينك» كومپانياسى دا قاتىسىپ, كونفەرەنتسيانىڭ ويداعىداي وتۋىنە اتسالىستى.
ايتا كەتەيىك, ستۋدەنتتەردىڭ حالىقارالىق كونفەرەنتسياسى ءوزىنىڭ 28 جىلدىق تاريحىندا 12 مەملەكەتتە, ونىڭ ىشىندە ورتالىق ازيادا جانە پوستكەڭەستىك ەلدەر اراسىندا قازاقستاندا العاش رەت وتكىزىلىپتى. ۇيىمداستىرۋشىلاردىڭ ايتۋىنشا, بەس كۇنگە سوزىلعان حالىقارالىق كونفەرەنتسيادا عالامدىق نارىقتار جانە ەكونوميكا, كوركەمونەر, باق جانە مادەنيەت, الەۋمەتتىك ساياسات جانە ادىلەتتىلىك, ەنەرگەتيكا جانە ەكولوگيالىق تۇراقتىلىق, باسقارۋ جانە گەوساياسات, عىلىمي تەحنولوگيالار سەكىلدى ماڭىزدى تاقىرىپتار جان-جاقتى تالقىلانعان.
الەمنىڭ 65 ەلىنىڭ 500 ستۋدەنتى مەن جاس ماماندارىنىڭ باسىن قوسقان كونفەرەنتسيادا قاتىسۋشىلار وزەكتى تاقىرىپتاردى تالقىلاپ قانا قويماي, كەيس-چەمپيوناتقا قاتىسىپ, باقتارىن سىناپ كورىپتى. بۇل رەتتە شارانىڭ باس دەمەۋشىلەرىنىڭ ءبىرى «قازتسينك» كومپانياسى دەلەگاتتار نازارىنا وندىرىستەگى قاۋىپسىزدىك مادەنيەتى تاقىرىبىندا ويلارىن ورتاعا سالىپتى. «وسىنداي اۋقىمداعى جاستاردىڭ حالىقارالىق كونفەرەنتسياسىن قولداعانىمىزعا قۋانىشتىمىز. بۇگىندە تسيفرلاندىرۋ قوعامنىڭ بارلىق سالاسىنا ەندى. جاستار – قوعامدى العا سۇيرەۋشى ۇلكەن كۇش. ءبىزدىڭ كومپانيا تالانتتى جاستاردى قولداۋعا ءاردايىم ەرەكشە كوڭىل بولەدى. قازىر ءبىز بىرنەشە تسيفرلىق جوبالاردى ەنگىزىپ جاتىرمىز, قولدانىسقا ەنگەن جوبالاردى كونفەرەنتسيا دەلەگاتتارىنىڭ نازارىنا ۇسىندىق» دەيدى «قازتسينك» جشس اكىمشىلىك ماسەلەلەر جونىندەگى اتقارۋشى ديرەكتورى اندرەي لازارەۆ.
شىعىس قازاقستان وبلىسى
