Visit Almaty تۋريستىك اقپارتتىق ورتالىقتىڭ الاڭىنا جينالعان سپيكەرلەر - «Kazakh Tourism» ۇق» اق ماركەتينگ, تسيفرلاندىرۋ جانە كوممۋنيكاتسيا دەپارتامەنتىنىڭ مەنەدجەرى دارحان تەگەنباەۆ, ەكسپەديتسيا باسشىسى ءابىلحايىر احمەدجانوۆ, جوبا گيدى بولات ىزماعامبەتوۆ جانە «QazaqGeography» رقۇ وكىلى ايجان جۇماتاەۆا جوبانىڭ باستى ماقساتىن ءتۇسىندىرىپ, تۋريستىك نىسانداردى وڭتايلاندىرۋ ارقىلى ىشكى جانە سىرتقى ءتۋريزمنىڭ الەۋەتىن دامىتۋ, ينفراقۇرىلىمدى جاقسارتۋ بويىنشا ۇسىنىستار ازىرلەۋ, جاڭا ترانسشەكارالى باعىتتاردى انىقتاۋ ەكەندىگىن اتاپ ءوتتى. شەتەلدىك قوناقتارعا قازاقستان مەن قىرعىزستاننىڭ, وزبەكستاننىڭ تۇرعىلىقتى حالقىنىڭ مادەنيەتىن ۇيرەنۋ جانە كيەلى ورىنداردى كورۋ وتە قىزىق.
ەكسپەديتسيا قۇرامىندا جۋرناليستەر, فوتوگرافتار, تەلەارنالاردىڭ ءتۇسىرۋ توپتارى, ترەۆەل-بلوگەرلەر مەن تۋروپەراتورلار بار. ون ءۇش كۇن ىشىندە ەكسپەديتسيا مىنا باعىتتار بويىنشا جۇرەتىن بولادى: الماتى – ۇاك- ەسىك شاتقالى - شارىن كانونى – كولساي – قاراكول – كادجي-ساي – توكموك – سۋسامىر – تالاس – تاراز – اقمەشىت ۇڭگىرى – ساۋران – تۇركىستان – ارىستان-باب – وتىرار – شىمكەنت – تاشكەنت – ساماركاند – قازىعۇرت – مەركە – تاڭبالى – الماتى.
ەكسپەديتسيا قورىتىندىسى بويىنشا بولاشاقتا تۋرلاردى دامىتۋ ءۇشىن ماڭىزدى جانە قىزىقتى باعىتتار ساپالى سۋرەتتەر مەن ۆيدەوماتەريالدار بويىنشا انىقتالاتىن بولادى. كەيىننەن مۇنداي قۇندى اقپارات وتاندىق جانە قىرعىزستان مەن وزبەكستاننىڭ تۋركومپانيالارىنا ۇسىنىلادى.
الماتى
