فورۋمنىڭ اشىلۋىنا وبلىس اكىمىنىڭ ورىنباسارى ەرلان سپانوۆ قاتىسىپ, فورۋم قاتىسۋشىلارىنا وبلىس اكىمى ارحيمەد مۇحامبەتوۆتىڭ جىلى سالەمىن جەتكىزدى. ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ مۇشەسى سالتانات تۇرسىنبەكوۆا, «جاسىل ەكونوميكا» جانە G-Global-دى دامىتۋ كواليتسياسى» زتب باسقارما توراعاسى, قر پرەزيدەنتى جانىنداعى جاسىل ەكونوميكاعا كوشۋ جونىندەگى كەڭەستىڭ مۇشەسى, قازاقستاننىڭ اۋىلدىق ايەلدەر فورۋمى ۇيىمداستىرۋ كوميتەتىنىڭ مۇشەسى سالتانات راقىمبەكوۆا قاتىسىپ, ءسوز سويلدەدى.
فورۋمدا «مەنىڭ جەتىستىگىمنىڭ تاريحى» شەرۋى ۇيىمداستىرىلدى. وندا جەتىستىككە, اسىرەسە بيزنەستە تابىستارعا قول جەتكىزگەن اۋىل ايەلدەرى ءسوز الدى. فورۋمدى «مەنىڭ جەتىستىگىمنىڭ تاريحى-2018» نوميناتسياسىنىڭ لاۋرەاتى «جىتىقارااستىقترەيد» جشس ديرەكتورى گۇلسارا جامانقۇلوۆا اشتى. وندا ءار سالادا جەتىستىككە جەتكەن قوستانايلىق 7 ايەل ءوز تاجىريبەسىمەن ءبولىستى.
فورۋم بۇگىنگى اۋىلدىڭ الەۋمەتتىك جاعدايىن جاقسارتۋ باعىتىنداعى مەملەكەتتىك باعدارلامالار مەن مەملەكەت تاراپىنان بولىنگەن قارجىلاردى اۋىل ايەلدەرىنىڭ پايدالانا بىلۋىنە كومەك بەرۋدى فورۋم جۇمىسىنىڭ باستى ماقساتى ساناپتى.
«مەملەكەتتىڭ بەرىپ جاتقان كومەك-قولداۋىن وسىنداي فورۋمداردا تۇسىنىكتى تىلمەن اۋىل ايەلدەرىنە جەتكىزىپ, ولاردىڭ پىكىر الماسۋىنا مۇمكىندىك جاساپ وتىرمىز. اۋىلدا ءوز ءىسىن اشىپ, جەتىستىككە جەتكەن ايەلدەر بار. ولاردىڭ تاجىريبەلەرىن وزگەلەرگە جەتكىزىپ, جولدارىن تۇسىندىرەمىز. اۋىل ايەلدەرى كوپتەگەن اقپاراتتان تىس قالعان. كۇشتەردى بىرىكتىرۋ ارقىلى جەتىستىككە جەتۋگە بولاتىنىنا ولاردىڭ كوزىن جەتكىزگىمىز كەلەدى. ءبىز بار اۋىلداعى بار ايەلدەردى جيناي المايمىز, فورۋمعا قاتىسقان اۋىلداستارى ارقىلى اقپاراتتاردى, جان-جاقتى مالىمەتتەردى ولارعا جەتكىزگىمىز كەلەدى. مىسالى, وتباسىنداعى زورلىق-زومبىلىقتارعا قارسى «زورلىق-زومبىلىقسىز قازاقستان» جوباسىن جۇرگىزىپ جاتىرمىز. بۇل ورايدا زاڭنامالارعا قانداي وزگەرىستەر ەنگىزۋىمىز كەرەك؟ ايەلدەر مەن بالالار دەنساۋلىعىن قالاي ساقتاۋىمىز كەرەك؟» دەگەن ماسەلەلەردى, قۇقىقتىق جاعىنان اقپاراتتاردى جەتكىزسەك, بۇل ەلدىڭ ەرتەڭى ءۇشىن جاسالعان ۇلكەن ەڭبەك» دەدى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ مۇشەسى سالتانات تۇرسىنبەكوۆا.
فورۋمدا Coca-Cola بەلەستەرى» – جەتىستىك اۋماعى» پىكىر الماسۋ الاڭى,, تۇراقتى دامۋدىڭ جاھاندىق ماقساتتارىنا قول جەتكىزۋگە ارنالعان قاراپايىم ءىس-ارەكەتتەر سەمينار-ترەنينگى, «اۋىل – وتباسى بەسىگى» سەكىلدى تاقىرىپتاردا اڭگىمە ءوربىدى. شارا 2019 جىلعى 7-8 قاراشادا نۇر-سۇلتان قالاسىندا وتەتىن قازاقستان اۋىل ايەلدەرى ەكىنشى فورۋمىنا دەلەگاتتار سايلاۋمەن اياقتالدى.
قوستاناي
