قركف توراعاسى باقىتجان ءابدىرايىم ءبىرجان بيدايبەك ۇلىنىڭ الەۋمەتتىك-ەڭبەك سالاسىن نىعايتۋدا, ازاماتتارىمىزدىڭ قۇقىعىن قورعاۋدا سىڭىرگەن ەڭبەگىن جوعارى اتاپ ءوتىپ, جاڭا جوعارى لاۋازىمعا تاعايىندالۋىمەن قۇتتىقتادى.
اتقارۋ كوميتەتىنىڭ مۇشەلەرى ءبىرجان بيدايبەك ۇلىنىڭ كاسىپوداقتاردىڭ باستى الەۋمەتتىك ارىپتەسى بولىپ تابىلاتىن ۆەدومستۆا باسشىسى بولىپ تاعايىندالۋى ەلىمىزدەگى ەڭبەك سالاسىنىڭ دامۋىنا جاڭا سەرپىن بەرەتىندىگىن اتاپ ءوتتى.
باقىتجان ءابدىرايىم كاسىپوداق قىزمەتىنە سىڭىرگەن ەرەن ەڭبەگى ءۇشىن ءبىرجان نۇرىمبەتوۆتى كاسىپوداقتار فەدەراتسياسىنىڭ «كاسىپوداقتارعا سىڭىرگەن ەڭبەگى ءۇشىن» مەدالىمەن ماراپاتتادى.
ءسوز العان ءبىرجان بيدايبەك ۇلى قازاقستاندىقتاردىڭ ءال-اۋقاتىن دامىتۋ جولىندا قويان-قولتىق جۇمىس ىستەگەن ارىپتەستەرىنە ءوز ريزاشىلىعىن ءبىلدىردى.
وتىرىس بارىسىندا اتقارۋ كوميتەتىنىڭ مۇشەلەرى قركف توراعاسىنىڭ ءبىرىنشى ورىنباسارى جانە ورىنباسارى لاۋازىمدارىنا جاڭا ۇمىتكەرلەردىڭ كانديداتۋراسىن قارادى.
قركف توراعاسىنىڭ ءبىرىنشى ورىنباسارى بولىپ ابدىبەكوۆ نۇرمۇحامبەت قاناپي ۇلى ءبىراۋىزدان سايلاندى.
نۇرمۇحامبەت قاناپي ۇلى – ماماندىعى بويىنشا تاۋ-كەن ينجەنەرى, وندىرىستەگى كاسىپوداقتاردىڭ جۇمىسىمەن ەتەنە تانىس, ءار جىلدارى اقتوبەدە, اتىراۋدا كاسىپورىنداردا جانە مەملەكەتتىك ورگانداردا قىزمەت اتقارعان, قر يندۋستريا جانە جاڭا تەحنولوگيالار ۆيتسە-ءمينيسترى, اقتوبە قالاسىنىڭ اكىمى, اقتوبە وبلىسى اكىمىنىڭ ءبىرىنشى ورىنباسارى, قاراعاندى وبلىسىنىڭ اكىمى, ەسەپ كوميتەتىنىڭ توراعاسى, «قازاقستان ينجينيرينگ» ۇلتتىق كومپانياسى» اق باسقارما توراعاسى بولعان.
قركف توراعاسىنىڭ ورىنباسارى بولىپ ەگەمبەرديەۆ ەرجان وشاقباي ۇلى سايلاندى. ەرجان وشاقباي ۇلى قركف قۇقىقتىق قامتاماسىز ەتۋ جانە حالىقارالىق ارىپتەستىك دەپارتامەنتىنىڭ ديرەكتورى لاۋازىمىن اتقارعان.
ەرجان ەگەمبەرديەۆ – زاڭ عىلىمدارىنىڭ كانديداتى, ءار جىلدارى جوعارعى سوت جانىنداعى سوت تورەلىگى اكادەمياسىندا, قر پرەزيدەنتى جانىنداعى مەملەكەتتىك باسقارماسى اكادەمياسىندا, ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىندە جانە قر ادىلەت مينيسترلىگىندە قىزمەت اتقارعان.
