ايماقتار • 21 تامىز، 2019

جاپوندىقتار EAGLE-3 زەرتتەۋ جوباسىنا جوعارى باعا بەردى

45 رەت كورسەتىلدى

الەمدەگى الپاۋىت مەملەكەتتەر ىشىندە ءبىزدىڭ ەلباسىمىز نۇرسۇلتان نازارباەۆ تۇڭعىش رەت تاريحي جولداۋىمەن ادامزاتقا اپات اكەلگەن يادرولىق سىناق پوليگونىن جاپتى. قازاقستان ءوز ەركىمەن الەمدەگى ەڭ ءىرى ءتورتىنشى يادرولىق قارۋدان باس تارتتى.

اتاپ ايتقاندا، 1200 يادرولىق وقتۇمسىعى بار، 110 بالليستيكالىق راكەتالاردان ارىلدى. ورتالىق ازياداعى يادرولىق قارۋدان ازات ەل اتاندى. بۇل جۇمىستاردىڭ بارلىعى وقتاماي جۇزەگە اسىپ، كۋرچاتوۆ قالاسىنداعى ۇلتتىق يادرولىق ورتالىقتا شەت ەلدەرمەن دە عىلىمي بايلانىس ورنادى.

جاقىندا قر ۇلتتىق يادرولىق ورتالىعىندا يادرولىق ەنەرگەتيكا بويىنشا جاپونيا ەلىنىڭ JAEA ۇيىمىمەن بىرلەسىپ 10-شى رەت تەحنيكالىق ماسەلەلەر بويىنشا EAGLE-3 جوباسىنا ارنالعان زەرتتەۋ، زەردەلەۋ كەزدەسۋى ءوتتى. ۇلتتىق يادرولىق ورتالىقتان حابارلاعانداي، جوبا نەگىزىنەن ناتري جىلۋ ۇستاعىشى بار جىلدام قوزعالاتىن نەيتروندارداعى رەاكتورلار قاۋىپسىزدىگىن ارتتىرۋ بولىپ تابىلدى.

كەزدەسۋ بارىسىندا ىشكى جانە سىرتقى رەاكتورلار قاۋىپسىزدىگى انىقتالدى. قازاقستان جاعى EAGLE قوندىرعىسى مەن يگر رەاكتورلارىنداعى تاجىريبەلەرىمەن ءبولىستى. جيىن سوڭىندا جاپوندىق ارىپتەستەر قازاقستان عىلىمىنا جوعارى باعا بەردى.

                                              

سەمەي

سەمەي

سوڭعى جاڭالىقتار

ۇقساس جاڭالىقتار