ماسەلەن, كوكونىستەردى جۋىپ, تۋراپ, ۆاككۋم قالتالارعا سالىپ ساقتاۋ كاسىبى اقتاۋدا العاش رەت اشىلىپ وتىر. كاسىپكەر ءاليا بايانديەۆانىڭ ايتۋىنشا, تىڭ بيزنەستى باستاعانىنا ءبىر اي بولعان. قازىردىڭ وزىندە ءىرى ساۋدا ورتالىقتارىمەن كەلىسىمشارتقا وتىردى. نەمىس تەحنولوگياسى بويىنشا كوكونىستەردى اشۋ, جۋ, تۋراۋ جۇمىستارى جاسالادى. ساقتالۋ مەرزىمى 10 تاۋلىك. قولمەن اتقارىلاتىن شارۋا جوق. جەرگىلىكتى كوكونىستەر پايدالانىلادى. قازاقستاننىڭ وزگە دە قالالارىنا جىبەرۋ جوسپارلانعان.بۇل قاربالاس كەزدە جىلدام تاماق دايىنداۋعا وتە قولايلى.
«قازاقستاننىڭ ۇزدىك تاۋارى» - ۇلتتىق برەند دەڭگەيىنە كوتەرىلگەن بەدەلدى شارا. بايقاۋدىڭ نەگىزگى ماقساتى - قازاقستاندىق نارىقتى وتاندىق جوعارى ساپالى ونىممەن قامتۋ. كونكۋرس جەڭىمپازدارىنىڭ ەمبلەماسىن جارنامالىق ماقساتتا 4 جىل بويى پايدالانۋعا قۇقىلى. 2015 جىلدان باستاپ «اتامەكەن» ۇلتتىق كاسىپكەرلەر پالاتاسى «قازاقستاننىڭ ۇزدىك تاۋارى» رەسپۋبليكالىق بايقاۋ-كورمەسىنىڭ ۇيىمداستىرۋشىسى بولىپ تابىلادى.
ەستەرىڭىزگە سالا كەتەيىك, ماراپات 2006 جىلى تۇڭعىش پرەزيدەنت ن.ءا.نازارباەۆتىڭ وتاندىق ونىمدەردىڭ ساپاسىن جاقسارتۋعا باعىتتالعان, ءوندىرىستى جوعارى ساپالى جانە باسەكەگە قابىلەتتى ونىممەن قامتاماسىز ەتۋگە, حالىق اراسىندا ساپالى يدەيانى كەڭىنەن تاراتۋعا باعىتتالعان ءىس-شارالاردى كۇشەيتۋ ماقساتىندا قۇرىلدى.
بايقاۋ «وندىرىستىك ماقساتتاعى ۇزدىك تاۋارلار», «حالىق تۇتىناتىن ۇزدىك تاۋارلار», «ۇزدىك ازىق-ت ۇلىك تاۋارلارى» دەپ اتالاتىن ءۇش اتالىم بويىنشا ءوتتى. ساراپتامالىق كوميسسيا جەڭىمپازداردى انىقتادى.
«وندىرىستىك ماقساتتاعى ۇزدىك تاۋارلار» اتالىمى بويىنشا «كاسكور ماشزاۆود» اق, «شىنىتالشىقتى قۇبىرلار زاۋىتى» جشس مەن «كاسپي تاس جول» جشس جەڭىمپاز اتانسا, «حالىق تۇتىناتىن ۇزدىك تاۋارلار» اتالىمىندا «سەنەك» جشس, جك «اسەم اندرەي», جك «بادو» توپ جاردى. «ۇزدىك ازىق-ت ۇلىك تاۋارلارى» اتالىمى بويىنشا «Maga Bread» جشس, ««ۆولنا» اقتاۋ كونديتەر فابريكاسى» جشس مەن «تەتيس» جشس ۇزدىك شىقتى.
جەڭىمپازدارعا ارنايى ديپلومدار تابىستالدى. شاراعا وبلىس تۇرعىندارى مەن قوناقتارى قاتىسىپ, جەرگىلىكتى كاسىپكەرلەر ۇسىنعان وتاندىق ونىمدەردىڭ كورمەسىن تاماشالادى.
جەڭىمپازداردىڭ ءبىرى جك «اسەم اندرەي» جەتەكشىسى اسەم وتەپوۆا. ونىڭ تىگىن كاسىبىمەن اينالىسقانىنا 2 جىل. نەگىزگى باعىتىم - ۇلتتىق كيىمدەردى زاماناۋي ستيلمەن قابىستىرۋ. جاستاردىڭ تالعامىنا ساي, سۇرانىستى جوعارى ساپامەن تىگىپ كەلەمىز. بۇدان بولەك قىز جاساۋى, بەسىك جابدىقتارى, كەز-كەلگەن بۇيىمدى ۇلتتىق ناقىشتارمەن بايلانىستىرىپ جاساپ شىعارۋمەن ەرەكشەلەنىپ تۇرامىز, دەيدى شەبەر.
مو كاسىپكەرلەر پالاتاسىنىڭ ديرەكتورى نۇربەك قاراساەۆ: «تاۋار ونىمدىلىگى, ساپاسى, جىلدىق تابىس كوزى, جۇمىسشىلارىن الەۋمەتتىك قولداۋ سىندى بىرنەشە تالاپتارعا ساي كەلگەن 9 كاسىپورىن جەڭىمپاز اتالدى. ولار نۇر-سۇلتان قالاسىندا ەل پرەزيدەنتىنىڭ قولىنان جۇلدە الاتىن ۇلكەن دوداعا قاتىسادى. قازاقستان بويىنشا تەڭدەسسىز برەند ەكەنىن دالەلدەۋگە مۇمكىندىك بەرىلەدى» دەپ تۇجىرىم جاسادى.
جەڭىسكە جەتكەن كاسىپورىندار ماڭعىستاۋ وبلىسى اتىنان «قازاقستاننىڭ ۇزدىك تاۋارى» رەسپۋبليكالىق بايقاۋىنا جانە «قازاقستاندا جاسالعان» كورمەسىنە قاتىساتىن بولادى.
شارا سوڭىندا وبلىستىڭ ۇزدىك قۇرىلىسشىلارى قر يندۋستريا جانە ينفراقۇرىلىمدىق دامۋ مينيسترى رومان سكليار قول قويعان مەدالدار, العىس حاتتارمەن ماراپاتتالدى.
ماڭعىستاۋ وبلىسى
