جۋىردا عانا جامبىل اۋدانى, جامبىل اۋىلدىق وكرۋگىنە قاراستى قوڭىرتوبە ەلدى مەكەنىندە بولعان الاپات ورتتەن «عالىمجان» شارۋا قوجالىعىنىڭ ءتورت ت ۇلىگى وتقا وراندى. توتەنشە جاعدايلار قىزمەتىنىڭ مالىمدەۋىنشە, ءورت ەلەكتر جەلىلەرىنىڭ تۇيىقتالۋى سالدارىنان شامامەن تۇنگى ساعات 00-01 شاماسىندا تۇتانعان. ءتۇن ورتاسىندا اسقىنعان ءورت اتالعان شارۋا قوجالىعىنىڭ جالپى 90 باس مالىن شارپىعان. اتاپ ايتساق, قوجالىق باسشىسى نۇرلان جۇماعۇلوۆقا تيەسىلى 5 باس جىلقى, 18 باس قوي جانە 67 باس سيىر مالى تۇگەلدەي ورتەنىپ كەتكەن.
كاسىپكەر مال شارۋاشىلىعىمەن تالاي جىلدان بەرى اينالىسىپ كەلەدى ەكەن. جاقىندا عانا «عالىمجان» شارۋا قوجالىعىن اشىپ, ول مۇندا مال بورداقىلاۋدى قولعا العان. الايدا توتەننەن كەلگەن ءتىلسىز جاۋدىڭ سالدارىنان مۇنداعى بارلىق مال باسى تىرىدەي جانىپ كەتتى. قورانىڭ ءار بۇرىشىندا جاتقان مالدىڭ ءولى دەنەلەرىنە قاراعاندا, جانۋارلاردىڭ باسى شىنجىرمەن مىقتاپ بايلانعان. ەلەكتر جەلىلەرىنىڭ تۇيىقتالۋىنان تۇتانعان قىزىل جالىننىڭ ۇشقىنى قامىسپەن جابىلعان قورانىڭ شاتىرىنا ءتيىپ, ودان مال تۇرعان جەرگە ءتۇسىپ, ودان ءارى جاقىن ماڭعا جينالعان شوپكە تۇسكەن. ءتۇن ورتاسىندا ءتىلسىز جاۋمەن ارپالىسۋعا شىققان جۇمىسشىلار اۋەلى ءورتتى وزدەرى سوندىرمەك بولىپتى. الايدا ءسات ساناپ كۇش الىپ بارا جاتقان ءورتتى اۋىزدىقتاۋ مۇمكىن بولماعاندىقتان, ولار امالسىز قۇتقارۋشىلاردىڭ كومەگىنە جۇگىنگەن. سونىڭ وزىندە 600 شارشى مەتر جەردى ءورت جايلاعان.
جامبىل اۋدانى اكىمىنىڭ ورىنباسارى ەرلان قىدىرالى ۇلىنىڭ ايتۋىنشا, جەرگىلىكتى اكىمدىك بۇل ماسەلەگە بەيجاي قاراماي, ءتيىستى كومەك كورسەتكەن. قوڭىرتوبە ەلدى مەكەنىندە بولعان ءورتتى ءسوندىرۋ ءۇشىن اۋداننان 20-دان استام ادام جانە 5-6 تەحنيكا كۇشى تارتىلعان. سونىمەن قاتار شارۋالارعا مەديتسينالىق قىزمەت تە كورسەتىلگەن. سونىڭ وزىندە ابايسىزدا تۇتانعان الاپات جالىننىڭ بەتى 4 ساعاتتىق ارپالىستان سوڭ ارەڭ قايتقان. بىراق وكىنىشكە قاراي ءتورت ت ۇلىك مال ءتىلسىز جاۋدىڭ قۇربانىنا اينالدى. سونداي-اق 200 توننا ءشوپ كۇلگە اينالعان. اۋدان اكىمدىگى تاراپىنان وت ءتيىپ, وپات بولعان مالداردىڭ ولىگىن تولىعىمەن وقشاۋلاپ كومۋ جۇمىستارى جۇرگىزىلدى. اكىمنىڭ ورىنباسارى تاعى دا تيىسىنشە كومەك كورسەتىلەتىنىن ايتتى.
جامبىل وبلىسى
