ايماقتار • 14 تامىز، 2019

ءمامس: وڭىرلەر جاڭا جۇيەگە وتۋگە دايىن با؟

88 رەتكورسەتىلدى

الداعى جىلدان باستاپ وتاندىق دەنساۋلىق سالاسىنا مىندەتتى الەۋمەتتىك مەديتسينالىق ساقتاندىرۋدى جۇيەسى ەنگىزىلمەك. بۇگىندە ساقتاندىرۋدى ەنگىزۋ ماسەلەلەرى بويىنشا اقپاراتتىق-ءتۇسىندىرۋ جۇمىسىنىڭ ءۇشىنشى كەزەڭى ءوتىپ جاتىر.

مەديتسينا ۇيىمدارى مەن تۇرعىندار اراسىنداعى ەكىجاقتى اڭگىمەگە ارقاۋ بولعان جۇمىس بارىسىندا ءالى دە جەتىلدىرەتىن تۇستار بار. اسىرەسە، اۋىلدىق وڭىردەگى دەنساۋلىق ساقتاۋ مەكەمەلەرىنىڭ قىزمەت كورسەتۋ دەڭگەيى مەن تەحنيكالىق مۇمكىندىگىنىڭ تومەندىگى ساقتاندىرۋ جۇيەسى بويىنشا قارجىلاندىرۋعا كەدەرگى كەلتىرۋى مۇمكىن ەكەن. قازىر جەرگىلىكتى اكىمدىك پەن «مىندەتتى الەۋمەتتىك مەديتسينالىق ساقتاندىرۋ» قورى وسى كەمشىلىكتى جويۋ ءۇشىن بىرلەسىپ جۇمىس ىستەۋدە. وڭىرلەردە ساقتاندىرۋ جۇيەسىن ۇيىمداستىرۋ بويىنشا ارنايى شتاب قۇرىلعان. جاقىندا الماتى وبلىسى اكىمىنىڭ ورىنباسارى اقان ءابدۋاليۆتىڭ توراعالىعىمەن سەلەكتورلىق وتىرىس ءوتىپ، وندا وبلىستاعى جاعداي تالقىعا ءتۇستى.

- مىندەتتى الەۋمەتتىك مەديتسينالىق ساقتاندىرۋ - حالىققا كورسەتىلەتىن مەديتسينالىق كومەكتىڭ ساپاسى مەن قولجەتىمدىلىگىن ارتتىرۋعا باعىتتالعان. قازىرگى ۋاقىتتا مىندەتتى الەۋمەتتىك مەديتسينالىق ساقتاندىرۋدى ەنگىزۋدى مەديتسينالىق قاۋىمداستىق اراسىندا جانە جۇمىس بەرۋشىلەر مەن تۇرعىندارعا كەڭ كولەمدى اقپاراتتىق-ءتۇسىندىرۋ جۇمىستارى 2016 جىلدان بەرى جۇرگىزىلىپ كەلەدى. وسى ۋاقىت ارالىعىندا ءمامس جۇيەسى تۋرالى 1 107 300 تۇرعىنمەن 4070 كەزدەسۋ وتكىزدى. ال مەديتسينالىق مەكەمەلەردە ماماندار 10250 رەت ساقتاندىرۋ جۇيەسى تۋرالى كەڭەس بەردى،- دەدى وتىرىستا وبلىستىق دەنساۋلىق ساقتاۋ باسقارماسىنىڭ باسشىسى باۋىرجان ىسقاق.

سونىمەن قاتار «مىندەتتى الەۋمەتتىك مەديتسينالىق ساقتاندىرۋ قورى» كوممەرتسيالىق ەمەس اكتسيونەرلىك قوعامى باسقارما توراعاسىنىڭ ورىنباسارى ەرىك ءبايجۇنىسوۆ «مىندەتتى الەۋمەتتىك مەديتسينالىق ساقتاندىرۋدىڭ جۇيەسىن ەنگىزۋگە قاتىستى تۋىنداعان سۇراقتارعا توقتالىپ ءوتتى.

جالپى، مىندەتتى الەۋمەتتىك مەديتسينالىق ساقتاندىرۋ جۇيەسى ەل بويىنشا 2020 جىلى تولىق قولدانىسقا ەنگىزىلەدى. ال بيىلعى 1 قىركۇيەكتەن باستاپ قاراعاندى وبلىسىندا پيلوتتىق جوبا ىسكە قوسىلماق.

 

الماتى وبلىسى

سوڭعى جاڭالىقتار

انا ءتىلى – ارىڭ بۇل...

رۋحانيات • كەشە

اباي مۇراسى ماڭگىلىك

اباي • 22 اقپان، 2020

قىلمىستىق ءىس قوزعالدى

ايماقتار • 22 اقپان، 2020

ماڭعىستاۋدا «ANTIKOR ORTALYGY» اشىلدى

رۋحانيات • 22 اقپان، 2020

تەننيس: ەلەنا رىباكينا فينالدا

تەننيس • 22 اقپان، 2020

باستى اقپارات (21.02.2020)

ۆيدەو • 21 اقپان، 2020

ۇقساس جاڭالىقتار