رەسەي فەدەراتسياسىنىڭ پسكوۆ وبلىسىندا ءوتىپ جاتقان «دەسانتتىق ۆزۆود» كونكۋرسىنىڭ اسا قيىن كەزەڭدەرىنىڭ ءبىرى, دەسانتشىلاردىڭ دالدىككە جەكە سەكىرۋ سىناعى بولدى. سەكىرۋلەر «قانات» كلاسسيفيكاتسياسىنداعى باسقارىلاتىن سەريالىق پاراشيۋتتىك جۇيەلەرىمەن جاسالىندى. اتالمىش كەزەڭدە 21 ەلدىڭ دەسانتشى-پاراشيۋتيستتەرى تارتىسقا ءتۇستى.
پاراشيۋتپەن دالدىككە سەكىرۋ مي-8 تىكۇشاقتارىنان 1200-1300 مەتر بيىكتىكتەن ورىندالدى. ولاردىڭ سەكىرۋ ينتەرۆالدارى ءۇش سەكۋندتى قۇراپ, ەركىن قالىقتاۋ جاعدايىندا دا ءۇش سەكۋندتان كەم بولماۋى ءتيىس بولاتىن. ەرەجە بويىنشا پاراشيۋتيستتەر اسكەري كيىم ۇلگىدە, قارۋ-جاراقپەن جانە دەسانتشىلار شلەمىندە بولۋى ءتيىستى. جەرگە قونۋ بارىسىندا ديامەترى 10 مەتردى قۇرايتىن قىزىل شەڭبەرگە اياقتارىن تيگىزۋى قاجەت ەدى. ناتيجەنى ەسەپتەۋ ششەڭبەردىڭ ورتاسىندا ورنالىسقان قىزىل جاستىقشادان جۇرگىزىلىپ وتىردى. ءار ەلدەن ءۇش دەسانتشى سەكىرىپ, ولاردىڭ ششەڭبەر ورتاسىنان اۋىتقىعان قاشىقتىق سومماسى بويىنشا جەڭىمپازدار انىقتالدى.
وسى كەزەڭنىڭ ناتيجەسىندە قازاقستاندىق دەسانتشىلار ەكىنشى ورىندى يەلەندى. ولار بەلارۋس رەسپۋبليكاسى دەسانتشىلارىنان 50 سانتيمەترگە عانا ۇتىلدى, ءۇشىنشى ورىندى ماروككو ەلىنىڭ اسكەريلەرى يەلەندى. قازاقستاندىق دەسانتشىلار اراسىندا ۇزدىك ناتيجەنى مايور ۆياچەسلاۆ لوپارەۆ كورسەتتى. ول ششەڭبەردىڭ ءدال ورتاسىنا قونىپ, بارلىعىن تاڭ قالدىردى.
-قازاقستاندىڭ پاراشيۋتيستەر سايىستىڭ وسى كەزەڭىنە 7 سەكتسيالىق پاراشيۋتتىك جۇيەسىمەن دايىندالعان بولاتىن, الايدى وسى جەرگە كەلگەندە تورەشىلەر كوللەگياسى ءبىزدىڭ پاراشيۋتتەردى سپورتتىق دەپ تانىپ, وزدەرىنىڭ 9 سەكتسيالى اربالەت-2 پاراشيۋتتىك جۇيەسىن ۇسىندى. الايدا سوعان قاراماستان, تانىستىق سەكىرۋلەردى جاساماي اق, بەيتانىس پاراشيۋتتەرمەن ءبىزدىڭ جىگىتتەر جاقسى ناتيجە كورسەتە ءبىلدى, دەيدى قازاقستاندىق كوماندانىڭ نۇسقاۋشى-ءپاراشيۋتيستى مايور ازامات ءابدىرايىم.
ەستەرىڭىزگە سالا كەتسەك, قازاقستاندىق اسكەري قىزمەتشىلەر 3-17 تامىز ارالىعىندا رەسەي فەدەراتسياسىنىڭ پسكوۆ وبلىسىندا حالىقارالىق ارميالىق ويىندارعا قاتىسۋدا.
ماڭعىستاۋ وبلىسى
