حالىق قالاۋلىلارى اۋدانداعى ماڭىزدى نىسانداردى ارالاپ, اتقارىلىپ جاتقان جۇمىستارمەن تانىستى.الدىمەن «KAZMEAL» سەرىكتەستىگىندەگى جۇمىسشى قاۋىممەن كەزدەسىپ, كاسىپورىننىڭ تىنىس-تىرشىلىگىن كوردى. مۇندا ءداندى داقىلداردان قۇراما جەم جاسالادى. تاۋلىكتىك قۋاتتىلىعى–1200 توننا. جىلىنا 360 مىڭ تونناعا دەيىن ءونىم دايىنداي الادى. الداعى ۋاقىتتا اسپان استى ەلىنە ەكسپورتتالاتىن بولادى. كاسىپورىننىڭ باسىم بولىگى اۆتوماتتاندىرىلعان. بارلىق وپەراتسيالاردى روبوتتىق تەحنيكا اتقارادى. 75 جەرگىلىكتى تۇرعىن جۇمىسپەن قامتىلعان.
بۇدان كەيىن سەناتورلار №2 نوۆويشيم ورتا مەكتەبىندە بولىپ, كۇردەلى جوندەۋ جۇمىستارىنىڭ بارىسىمەن تانىستى. 700-گە جۋىق وقۋشىعا شاقتالعان ءبىلىم ۇياسىن قالپىنا كەلتىرۋگە 75 ميلليون تەڭگە بولىنگەن. ءبىلىم وشاعى جانىندا كوپسالالى سپورت الاڭى جۇمىس ىستەيدى.
حالىق قالاۋلىلارى مەملەكەتتىك باعدارلاما اياسىندا بيىل پايدالانۋعا بەرىلەتىن 50 پاتەرلى تۇرعىن ۇيگە ات باسىن بۇردى. مۇندا كوپبالالى انالار, مەديتسينا سالاسىنىڭ قىزمەتكەرلەرى جانە الەۋمەتتىك از قامتىلعان وتباسىلار تۇرادى.تىن بولادى.
«جالدامالى-كوممۋنالدىق باسپانا قولدانىسقا تاپسىرۋعا دايىن. 1 شارشى مەترىنىڭ باعاسى– 120 مىڭ تەڭگە», دەيدى اۋداندىق قۇرىلىس ءبولىمى باسشىسىنىڭ مىندەتىن اتقارۋشى اسحات وسپانوۆ.
دەپۋتاتتار وڭتۇستىكتەن قونىس اۋدارۋشىلار ءۇشىن سالىنىپ جاتقان تۇرعىن ءۇيدىڭ قۇرىلىسىمەن دە تانىستى. 10 باسپانا بوي كوتەرىپ, اۋىز سۋعا دەيىن تارتىلعان.
«پارلامەنتتىڭ 6-شى كەزەكتى سەسسياسى ءوز جۇمىسىن اياقتالدى. وندا 83 زاڭ جوباسى تالقىلانىپ, ىسكە قوسىلدى. ءبىزدىڭ ماقساتىمىز – اتقارىلعان جۇمىستار بويىنشا ەسەپ بەرۋ», دەدى سەنات دەپۋتاتى ەرىك سۇلتانوۆ اۋىل تۇرعىندارىمەن كەزدەسۋدە.
حالىق قالاۋلىلارى شال اقىن اۋدانىندا دا بولدى.
سولتۇستىك قازاقستان وبلىسى
