«دەسانتتىق ۆزۆود» سايىسىنىڭ ءتورتىنشى كەزەڭى كەدەرگىلەر جولاعى مەن اتىس سىناعىمەن قيىنداتىلعان بولىمشەلەردىڭ ەستافەتاسىنان باستالدى. مارشرۋتتىڭ ۇزىندىعى 5 شاقىرىم. ونىڭ بارىسىندا ۆزۆودتىڭ ءۇش بولىمشەسى كەزەكتەسىپ جۇگىرۋ جولاعىنا شىعادى. مارشرۋتتىڭ بەل ورتاسىندا دەسانتشىلاردىڭ كەدەرگىلەر جولاعى مەن اتىس مەجەسى بولدى. دەسانتشىلار وسى اراقاشىقتى 8 كيلوگراممنان كەم بولمايىن م ۇلىكپەن ءوتۋى قاجەت.
ستارت مەجەسىنە ەكى ەلدىڭ دەسانتشىلارى قاتارلاسا شىعىپ وتىردى. ءبىزدىڭ دەسانتشىلار بەلارۋس رەسپۋبليكاسىمەن تالاسقا ءتۇستى. ەكى ەلدىڭ ءبىرىنشى بولىمشەلەرى مارە سىزىعىنا بىرگە كەلدى. ءوز كەزەگىندە ەكىنشى بولىمشە 200 مەترگە سۋىرىلىپ العا شىقسا, ءۇشىنشى بولىمشە باسىمدىلىقتى 500 مەترگە دەيىن جەتكىزدى.
ەستافەتا قورىتىندىسى بويىنشا قازاقستاندىق دەسانتشىلار 21 قاتىسۋشى ەلدىڭ اراسىندا ۋاقىت بويىنشا ۇزدىك ناتيجە كورسەتە ءبىلدى, الايدا اتىس مەجەسىندە ولقىلىق كورسەتىپ, ءبىراز ايىپ باللدار الىپ قالدى. ناتيجەسىندە رەسەي مەن قىتايدى العا جىبەرىپ الىپ ءۇشىنشى ورىنعا تابان تىرەدى. ەندىگى كەزەكتە سايىستىڭ شەشۋى سىناقتارى, بمد-2 اسكەري تەحنيكاسىنداعى ەستافەتا مەن پاراشيۋتپەن دالدىككە سەكىرۋ قالدى. وسى ۋاقىتتا قازاقستاندىق دەسانتشىلار ءۇشىنشى ورىن ءۇشىن يران جانە قىتاي مەملەكەتتەرىمەن تالاسۋدا.
ەسكە سالا كەتسەك, قازاقستان رەسپۋبليكاسى قارۋلى كۇشتەرىنىڭ اسكەري قىزمەتشىلەرى 3-17 تامىز ارالىعىندا حالىقارالىق ارميالىق ويىندارعا قاتىسۋدا. كونكۋرستار 10 مەملەكەتتىڭ اۋماعىندا وتۋدە.
ماڭعىستاۋ وبلىسى
