الماتى قالالىق ءبىلىم باسقارماسىنىڭ باسشىسى گۇلنار قوجابەرگەنوۆا الماتىدا 185 مەملەكەتتىك بالاباقشا جانە 204 مەملەكەتتىك مەكتەپتەر مەن 22 مەملەكەتتىك كوللەدجدەردىڭ بار ەكەنىن ايتتى.
جاڭا وقۋ جىلىندا 1-11 سىنىپتارعا 258 مىڭنان استام وقۋشى كەلەدى دەپ كۇتىلۋدە. الدىن الا جاسالعان بولجام بويىنشا ءبىرىنشى كلاسستىقتار كونتينگەنتى 32 مىڭ وقۋشىنى قۇراپ وتىر.
قازىرگى كەزدە بارلىق مەملەكەتتىك ءبىلىم وشاقتارىندا اعىمداعى جوندەۋ جۇمىستارى اياقتالعان. ال 2 بالاباقشا مەن 9 مەكتەپتە جانە №9 مەكتەپ-ينتەرناتتا كۇردەلى جوندەۋمەن قاتار سەيسميكالىق كۇشەيتۋ جۇمىستارى جۇرۋدە. 5 مەكتەپتەگى جوندەۋ جۇمىستارى جاڭا وقۋ جىلىنا دەيىن بىتەدى. بب 4 مەكتەپ پەن ينتەرناتتا ءجۇرىپ جاتقان جوندەۋ جۇمىستارىنىڭ وقۋ-تاربيە پروتسەسسىنە ىقپال ەتپەيتىندىگى تۋرالى بۇيرىق شىعارعان.
مەكتەپتەردىڭ بارلىق وقۋشىلارىنا وقۋ قۇرالدارى بەرىلەدى. كەلىسىمگە ساي وقۋ قۇرالدارى ءبىلىم ۇيىمدارىنا 2019 جىلدىڭ 20 تامىزىنا دەيىن جەتكىزىلەدى. الماتى قالاسىندا بيىلعى جىلدىڭ 5 شىلدەسىنەن باستاپ جىل سايىنعى ءداستۇرلى «جۇرەكتەن – جۇرەككە» ۇرانى بويىنشا «مەكتەپكە جول» اكتسياسى جۇرۋدە. اكتسيا 30 قىركۇيەكتە اياقتالادى.
بارلىق مەكتەپتەردە اتا-انالار ءۇشىن اكتسيانىڭ ماقساتى مەن مىندەتتەرى ايقىندالعان اقپاراتتىق ستەندىلەر جاسالعان. اكتسيانى ۇيىمداستىرۋ مەن وتكىزۋ جوسپارىنا سايكەس وقۋ ورىندارى مەن اۋدان اكىمدىكتەرىندە قايىرىمدىلىق شارالارى, پد جپق يۋۆەنالدى پوليتسياسىنىڭ جەرگىلىكتى بولىمدەرىمەن بىرگە رەيدتەر, ءىرى ساۋدا ورىندارىندا وقۋشىلار جارمەڭكەلەرى وتۋدە. شارانى ۇيىمداستىرۋعا بيزنەس-قۇرىلىمدار, از قامتىلعان وتباسى بالالارىن مەكتەپكە دايىنداۋعا كومەك كورسەتكىسى كەلەتىن مەيىرىمدى جاندار تارتىلۋدا. بۇل تۋرالى قالا اكىمدىگىنىڭ ءباسپاسوز قىزمەتى ءمالىم ەتتى.
الماتى
