ءبىزدىڭ بولاشاعىمىز جاستار. سوندىقتان, ۇلكەن سپورتتا ۇرپاقتار ساباقتاستىعى بولعانى ابزال. ءبىز بار بىلگەنىمىزبەن جاس بۋىنعا بولىسسەك, بىزدەن كەيىنگىلەر دە تاجىريبەسىمەن ءبولىسىپ, كىشىگە ۇيرەتىپ وتىرادى دەپ سەنەمىن. وسىنداي اشىق كەزدەسۋلەر بالالاردىڭ سپورتقا دەگەن قۇلشىنىسىن ودان ءارى وياتىپ, جىگەرلەندىرەتىنى انىق, - دەيدى ەلدوس.
چەمپيونمەن كەزدەسۋگە تەك قانا سپورتشىلار ەمەس, ولاردىڭ اتا-انالارى مەن ەلدوستىڭ ەلورداداعى جانكۇيەرلەرى دە جينالدى.
ەلىمىزدە دزيۋدو وتە قارقىندى دامىپ كەلە جاتىر. بۇگىندە ەرەسەكتەر, جاستار, جاسوسپىرىمدەر قۇراماسىنىڭ بارىندە اۋىز تولتىرىپ ايتارلىقتاي جەتىستىكتەر بار. ولاردىڭ بارلىعى اتا-انالاردىڭ بالاعا دۇرىس جول باعىتتاپ, جاتتىقتىرۋشىلاردىڭ بالالارمەن تىڭعىلىقتى جۇمىسىنىڭ ناتيجەسىندە دەپ ويلايمىن, - دەگەن سمەتوۆ سپورتتا تەك سپورتشى ەمەس, اتا-انا مەن جاتتىقتىرۋشىلاردىڭ دا ەڭبەگى ورسان زور ەكەنىن اتاپ ءوتتى.
كەزدەسۋ سوڭىندا قر ەڭبەك سىڭىرگەن جاتتىقتىرۋشىسى بولات دانياروۆ باستاعان ءبىر توپ باپكەرلەر قۇرامى ەلدوسقا العىسىن ايتىپ, شاپان جاۋىپ, الداعى الەم چەمپيوناتىنا ساتتىلىك تىلەدى. ايتا كەتەرلىگى, ەلدوس سمەتوۆ 25 تامىز – 1 قىركۇيەك اراسىندا جاپونيانىڭ توكيو قالاسىندا وتەتىن دزيۋدودان الەم چەمپيوناتىنا قاتىسادى.
