قازىر ايماقتىڭ ەلەكتر قۋاتىمەن بىرنەشە نۇسقاسى قاراستىرىلۋدا.
ال, ستانسادا وندىرىلەتىن ەلەكتر قۋاتىنىڭ 800 مەگاۆاتى بوس تۇرعانى ايتىلۋدا.
ەگەر 2 جىل ىشىندە بارلىق ينفراقۇرىلىمدى قوسىپ, قوسىمشا ستانسا بولساق, ەنەرگيانى پايدالاناتىن كاسىپورىندار سالۋعا دايىن كومپانيالار بار. ءبىز باسەكەگە قابىلەتتى, 10,7 تەڭگەمەن ەلەكتر ەنەرگياسىن ۇسىنىپ وتىرمىز, - دەيدى وبلىس اكىمى ب.باقاۋوۆ.
ەكىباستۇزعا وسى ماسەلەنىڭ ءمان-جايىن ىلۋگە بارعان وبلىس اكىمى يندۋستريالىق ايماقتىڭ ناقتى اۋماعىن بەلگىلەۋدى, جەدەلدەتۋدى تاپسىردى.
وبلىستىق ەنەرگەتيكا جانە تۇرعىن ءۇي شارۋاشىلىعى باسقارماسىنىڭ مالىمەتىنشە, يندۋستريالىق ايماققا ەلەكتر جەلىسىن تارتۋدىڭ ەكى نۇسقاسى ۇسىنىلدى. ءبىرى - گرەس-1 ستانساسىنىڭ اتق-500-دەن (اشىق تاراتۋ قوندىرعىسىنان) جەتكىزۋ. ەكىنشىسى, 1150 كۆت قوسالقى ستانسادان تارتۋ جوسپارلانعان.
ءبىرىنشى نۇسقاسىن «KEGOC» اق قولدايدى.بۇل جوباعا 23,1 ملرد. تەڭگە قاجەت. بۇگىندە قۇجاتتار ازىرلەنۋدە.
ەندى يندۋستريالىق ايماقتى ەلەكتر قۋاتىمەن قامتۋ ءۇشىن 500 كۆ-تىق قوسالقى ستانسا سالىنۋى ءتيىس.
سونداي-اق, 3,5 شاقىرىمدىق ەلەكتر جەلىسىن تارتۋ قاجەت. ءتىپتى, يندۋستريالىق ايماق ورنالاساتىن تاعى ءبىر 200 گەكتارلىق ورىن ۇسىنىلۋدا.
ال, قوسالقى ستانسا مەن ەلەكتر جەلىسىن تارتۋعا كورەيالىق ينۆەستورلار كەلمەكشى.
جالپى, ەلەكتر ستانسالارى ماڭىنان يندۋستريالىق ايماقتار قۇرۋدىڭ تيىمدىلىگى- جەتكىلىكتى ەلەكتر قۋاتىنىڭ ارزاندىعى.
ەكىباستۇز
