جيىندا نازارباەۆ زياتكەرلىك مەكتەپتەرى ء بىلىم بەرۋدىڭ جاڭارتىلعان مازمۇنىنا ارنالعان شىعارماشىلىق الاڭ ۇسىنادى. كورمەدە «جاراتىلىستانۋ» ءبىلىم بەرۋ وبلىسى بويىنشا جاڭارتىلعان ءبىلىم بەرۋ ستاندارتتارىنىڭ نەگىزگى تۇجىرىمدامالارىنا نەگىزدەلگەن وقىتۋدىڭ جاڭاشىل ءادىس-تاسىلدەرى تاجىريبەلىك جۇمىستار ارقىلى كورسەتىلەدى.
باستاۋىش ءبىلىم بەرۋ الاڭىندا شەبەرلىك سىنىپتارىنا قوسا «نازارباەۆ زياتكەرلىك مەكتەپتەرى» دببۇ Balapan TV ارناسىمەن بىرلەسىپ ازىرلەگەن «جاراتىلىستانۋ» ءپانى وقۋ باعدارلاماسىندا قاراستىرىلاتىن زەرتتەۋ جۇمىستارى باياندالاتىن بەينەفيلمدەر كورسەتىلەدى. سونىمەن قاتار, كورمەدە 40 تاجىريبە مەن ەكسپەريمەنتتەردىڭ سيپاتتاماسى كەلتىرىلگەن پراكتيكالىق جۇمىستار جيناعى ۇسىنىلادى.
بۇعان قوسا, كورمە جۇمىسى بارىسىندا فيزيكا, حيميا, بيولوگيا, ينفورماتيكا پاندەرىن اعىلشىن تىلىندە وقىتۋعا ارنالعان وقۋ ماتەريالدارىنىڭ مەديا-كىتاپحاناسى جانە بۇۇ حالىق قونىستانۋ قورىمەن بىرلەسىپ جۇزەگە اسىرىلىپ جاتقان وقۋشىلاردىڭ رەپرودۋكتيۆتى دەنساۋلىعى جايلى سۇراقتارىن جالپى ءبىلىم بەرۋ مەكتەپتەرىنىڭ وقۋ ۇردىسىنە كىرىكتىرۋ جوباسى ۇسىنىلادى.
مۇندا پەداگوگيكالىق شەبەرلىك ورتالىقتارى ترەنەرلەرىنىڭ قاتىسۋىمەن ادىستەمەلىك الاڭ قۇرىلادى. بۇل جەردە 5-7 مينۋت بولاتىن تاقىرىپتىق شەبەرلىك سىنىپتارى جۇمىس ىستەيدى.
كونفەرەنتسيا شەڭبەرىندە وقۋ جانە عىلىمي ادەبيەتتەردىڭ كورمەسى بولماق. مۇندا كىتاپ العىسى كەلەتىن جاندارعا بار مۇمكىندىك جاسالعان.
پلەنارلىق وتىرىس بارىسىندا ەڭبەگىمەن كوزگە تۇسكەن مۇعالىمدەردى مەملەكەتتىك ناگرادالارمەن ماراپاتتاۋ ءراسىمى وتەدى.
26 تامىز كۇنى ەلىمىزدىڭ بارلىق وڭىرىندەگى 30 پيلوتتىق مەكتەپ نەگىزىندە مۇعالىمدەرگە ارنالعان تاقىرىپتىق الاڭدار وتكىزىلەدى. شاراعا ورتا مەكتەپتەردىڭ ءتورتىنشى سىنىپ مۇعالىمدەرى مەن مەكتەپكە دەيىنگى سىنىپتاردىڭ 17 مىڭعا جۋىق ۇستازىن تارتۋ جوسپارلانعان. قاتىسۋشىلار نازارباەۆ زياتكەرلىك مەكتەپتەرىنىڭ ۇزدىك وقىتۋشىلارى جانە وبلىستىق پەداگوگيكالىق شەبەرلىك ورتالىعىنىڭ ترەنەرلەرى ۇيىمداستىرعان تاقىرىپتىق سەكتسيالارعا بارا الادى. سەكتسيالىق ساباقتاردىڭ جۇمىسى بارىسىندا مۇعالىمدەر جاڭارتىلعان ءبىلىم بەرۋ مازمۇنى باعدارلامالارىنىڭ ەرەكشەلىكتەرىمەن, يننوۆاتسيالىق فورمالارىمەن جانە مازمۇندى جاڭارتۋ جاعدايىندا وقۋ پروتسەسىن ۇيىمداستىرۋدىڭ تاسىلدەرىمەن تانىسادى.
سونداي-اق, 27 تامىزدا نازارباەۆ زياتكەرلىك مەكتەپتەرى بازاسىندا ايماقتىق كونفەرەنتسيالار ۇيىمداستىرىلادى. وعان ورتا مەكتەپتەردەگى 9-10 سىنىپتاردىڭ 14 مىڭنان استام مۇعالىمى قاتىسادى. كونفەرەنتسيادا ۇستازدار جاڭارتىلعان ءبىلىم بەرۋ باعدارلاماسى اياسىنداعى وقۋ جوسپارلارىنىڭ ەرەكشەلىكتەرىن قاراستىرادى. نازارباەۆ زياتكەرلىك مەكتەپتەرىنىڭ مۇعالىمدەرى قاتىسۋشىلارعا وقۋشىلاردى وقىتۋدىڭ جاڭا ادىستەرى مەن زاماناۋي وقىتۋ فورمالارىمەن تانىستىراتىن شەبەرلىك ساعاتتارىن ۇيىمداستىرادى.
