ايماقتار • 09 تامىز، 2019

جاعىمدى ىستەر جان جادىراتادى

56 رەتكورسەتىلدى

ءاسىلى، قوعامدا جاقسى دۇنيە­لەردى كورمەيتىن سارىۋايىمشىل­دار كوبەيىپ بارا جاتقانداي كورى­نەدى. قيت ەتسە، «قازاقستاندا تۇي­مە شىعاراتىن زاۋىت تا جوق» دەپ قىلعىنىپ جاتادى. راس، ونداي ۋا­قىتتار بولدى. ءتۇن بولسا، تۇنەك­تەن كوزى اشىلمايتىن قالالار بول­عان. كەي اۋدان ورتالىقتارىندا كەل­گەن قوناقتاردى كۇتەتىن ءدامحانا، قو­ناقۇي­دىڭ بولماعانىن قازىر ۇمىتىپ قالدىق.

بۇگىندە ونىڭ ءبارى ەرتەگى سياق­تى. كەشەگى باسقان اياعى كەرى كەتكەن اۋداندار بۇگىندە كوركەيىپ كەلەدى. جاقىندا قىزىلوردا وبلىسىنىڭ اكىمى قۋانىشبەك ىسقاقوۆ شيەلى اۋدانىنا ىسساپارمەن بارىپ، «بايقوڭىر سولار» سەرىكتەستىگىنىڭ ەلەكتر ستانساسى قۇرىلىسىنىڭ ىرگەتاسىن قالاۋ راسىمىنە قاتىستى.

سۇلۋتوبە اۋىلدىق وكرۋگىندەگى ەلەكتر ستانساسى كۇنىنە 50 كۆت ەلەكتر قۋاتىن وندىرەدى. اۋىلدا ورنالاسقان وسى ستانسانىڭ كۇشى قاسىنداعى اۋدانداردان بولەك، وبلىس ورتالىعىنا دا ەلەكتر قۋاتىن تاراتۋعا جەتەدى ەكەن.

«مەملەكەتتىك قولداۋ ارقىلى جۇزەگە اسىرىلىپ جاتقان جو­باعا ءبىز دە كومەك بەرىپ، ءارى قا­راي اۋقىمىن كەڭەيتۋگە، دا­مىتۋعا دا­يىنبىز. الداعى ۋا­قىتتا الەۋمەتتىك كومەك ەسە­بىندە كۇن ەلەكتر ستانساسى جا­قىن ورنالاسقان ەلدى مەكەن تۇر­عىندارىنا جەڭىلدىكتەر كورسەتىلۋ جاعىن قاراستىرعان ءجون»، دەدى وبلىس اكىمى.

بۇل جوبانى «قازىنا كا­پيتال مەنەدجمەنت» اق جانە «يۋنايتەد گرين بريتاندىق حولدينگى» قارجىلاندىرادى. ىسكە قوسىلعاننان كەيىن 23 ادام جۇمىسپەن قامتىلاتىن بولادى.

تارتوعاي ەلدى مەكەنىندە 2016 جىلعى تامىزدا پايدالانۋعا بەرىلگەن جەكە كاسىپكەر ن.سەرىك­بايدىڭ ناۋبايحاناسى بار. شاعىن ناۋبايحانا كۇنىنە 250-300 بولكە نان، 150 توقاش، 100 سامسا جانە 100 شەلپەك شىعارىپ، تارتوعاي، مايلىتوعاي، بوتاباي ەلدى مەكەندەرىن جانە زك-169/4 مەكەمەسىن نان ونىمدەرىمەن قامتاماسىز ەتىپ وتىر. وبلىس اكى­مى وسى ەلدى مەكەندەگى اۋىلدىق كلۋبتىڭ جۇمىسىمەن تانىستى. 150 ورىندىق كلۋب ۇيىندە ءان، بي، سۋرەت، توعىزقۇمالاق جانە شاحمات ۇيىرمەلەرى جۇمىس ىستەيدى.

قۋانىشبەك دوسمايىل ۇلى جولەك ەلدى مەكەنىندەگى مەملەكەت-جەكەمەنشىك ارىپتەستىك اياسىندا سالىنعان دارىگەرلىك-امبۋلا­توريالىق ەمحانانىڭ اشىلۋ سال­تاناتىنا قاتىستى. ەمدەۋ مەكەمەسىندە كۇندىزگى ستاتسيونار، اكۋشەرلىك، حيمازاتور، ينە شانشۋ، ەگۋ بولمەلەرى بار.

«وزدەرىڭىز بىلەسىزدەر، مەملەكەت تاراپىنان الەۋمەتتىك سا­لانى قولداۋ ءۇشىن كوپتەگەن جۇمىستار اتقارىلىپ جاتىر. وبلىستىق بيۋدجەتتىڭ جارتىسىنان كوبى الەۋمەتتىك سالاعا جۇم­سالادى. بىلتىر وبلىستا 5 اۋرۋحانا، 9 مەديتسينالىق امبۋلاتوريا سالىنعان. بيىل ەل­دى مەكەندەردە 9 ەمدەۋ مەكەمەسى بوي كوتەردى. وسىنىڭ بارلىعى – مەملەكەت تاراپىنان ەلىمىزدىڭ باس­تى بايلىعى ادام جانە ونىڭ دەنساۋلىعىنا جاسالعان جاع­داي دەپ بىلەمىز. سونداي-اق مەم­لەكەتتىك قىزمەتكەرلەردىڭ ايلىعى 1 ماۋسىمنان باستاپ 30 پايىزعا كو­بەيدى. وبلىس اكىمدىگى تاراپىنان دا ءارى قاراي ءتيىستى قولداۋ كور­سەتىلەتىن بولادى»، دەدى ءوڭىر باس­شىسى.

وبلىس اكىمى اۋدانعا جۇمىس ساپارى اياسىندا تۇرعىنداردىڭ دەنە شىنىقتىرۋىنا جاعداي جاساۋ ءۇشىن اشىلعان العاباس اۋىلىنداعى سپورتتىق ساۋىقتىرۋ كەشەنىندە بولدى. مۇندا شاعىن فۋتبول، ۆولەيبول، كۇرەس، بوكس جانە جاتتىعۋ زالدارى بار.

ودان كەيىن شيەلى كەنتىندەگى قۇبىر زاۋىتىنا باردى. نىسان­نىڭ جالپى الاڭى – 30 گەكتار، قۋاتى جىلىنا 1 ملن 600 مىڭ قۇ­بىرعا تەڭ. كاسىپورىندا 104 ادام جۇمىسپەن قامتىلعان. زا­ۋىتتا تومەن قىسىمداعى پوليەتيلەن قۇبىرلارى، پوليۆەنيلحلوريت قۇبىرلارى، گاز قۇبىرلارى، تەحنولوگيالىق قۇ­بىر­لار جانە تاعى باسقا ونىم­دەر قازاقستاننىڭ ىشكى نارىعىنا شىعارىلادى.

شيەلى كەنتىندەگى «دۋمان – شيەلى» جشس-ءنىڭ ارناۋلى الەۋمەتتىك قىزمەتتەر كورسەتۋ ور­­تالىعىندا جاسىنا بايلانىستى وزىنە قىزمەت كورسەتۋگە مۇمكىندىگى جوق ەگدە ادامدارعا جانە تىرەك-قيمىل اپپاراتى بۇ­زىلعان مۇگەدەك بالالارعا ار­نالعان ورتالىقتا 54 قىزمەتكەر جۇ­مىس ىستەيدى.

ءوڭىر باسشىسى بۇدان سوڭ «باستاۋ» ساۋىقتىرۋ كەشەنىنە، «قازاتومونەركاسىپ» ۇاك» اق-نا قاراستى №6 كەن باسقارماسىنا (مۇندا 402 ادام جۇمىسپەن قام­تىلعان)، جەكە كاسىپكەر ب.اشىر­بەكوۆتىڭ كۇرىش اقتاۋ جانە قۇراما جەم زاۋىتىنا باردى.

كەلەسى نىسان – «گەجۋبا شيەلى تسەمەنت» جشس تسەمەنت زا­ۋىتى جىلىنا 1 ملن توننا تسەمەنت وندىرەدى. سىرتقى نارىققا – 30%، ىشكى نارىققا 70% ءونىم شىعارىلادى. كاسىپورىنعا يندۋستريالىق ايماقتان 52 گەك­تار جەر ۋچاسكەسى بەرىلگەن. 2017 جىلى 22 جەلتوقساندا ين­دۋس­تريا جانە ينفراقۇرىلىمدىق دامۋ مينيسترلىگىنەن پرەفەرەنتسيا الۋعا ينۆەستيتسيالىق كەلىسىمشارتقا، اكتاس شىعارۋعا كەلىسىمشارتقا قول قويىلعان.

ال «ارۋ انا» تۇيە ءسۇتىن وڭ­دەۋ تسەحى كۇنىنە 400 ليتر شۇبات ون­­دىرەدى. ءونىم كورشى اۋداندارعا، الماتى، اقتوبە، قىزىلوردا قا­لالارىنا تاسىمالدانادى. مەم­لەكەت باسشىسى قاسىم-جومارت توقاەۆ ءار دەڭگەيدەگى اكىمدەرگە حا­لىق­پەن جاقىن ارالاسۋدى، قور­دالانعان پروبلەمالارىن كەڭەسە وتىرىپ شەشۋدى ۇدايى ايتىپ كەلەدى.

ساپار بارىسىندا وبلىس اكىمى بىرنەشە ەلدى مەكەننىڭ تۇر­­­­عىندارىمەن كەزدەسىپ، جەر­گىلىكتى حالىقتىڭ تىنىس-تىر­شى­لىگىمەن تانىستى. سونداي-اق بار­لىق دەڭگەيدەگى اكىمدەرگە تۇر­عىن­دار­دىڭ جۇمىسسىزدىق ماسە­لەسىن شەشۋ كەرەكتىگىن قاتاڭ تاپسىردى.

بۇل ءبىر اۋدانداعى قايناپ جاتقان تىرشىلىكتىڭ مىسالى عانا. بۇگىندە قىزىلوردا وبلىسىندا بارلىق قالا، اۋداندار دامۋدىڭ جاڭا دەڭگەيىنە شىعىپ كەلەدى.

قىزىلوردا وبلىسى

 

سوڭعى جاڭالىقتار

تولەم الۋعا – Telegram-بوت

قوعام • بۇگىن، 08:05

پەتروپاۆل كارانتينگە جابىلدى

ايماقتار • بۇگىن، 08:00

قارجى حالىققا باعىتتالادى

ۇكىمەت • بۇگىن، 07:53

قۇپتارلىق قادام

پارلامەنت • بۇگىن، 07:47

مەشىتتە بەتپەردە تسەحى اشىلدى

ايماقتار • بۇگىن، 07:35

ەلگە پايداسى تيگەن ادام جاقسى

پارلامەنت • بۇگىن، 07:30

ءىشىنارا شەكتەۋ ەنگىزىلدى

كوروناۆيرۋس • بۇگىن، 07:30

اۋدان ءومىرىنىڭ ايناسى

ايماقتار • بۇگىن، 07:27

ارمان الاسارماسىن

رۋحانيات • بۇگىن، 07:22

ديقان ديزەلدى تومەن باعاعا الادى

ەكونوميكا • بۇگىن، 07:11

كوروناۆيرۋسسىز قوستاناي

ايماقتار • كەشە

ۇقساس جاڭالىقتار