بايقاۋ ادەبيەت, عىلىم, ديزاين جانە بەينەلەۋ ونەرى, جۋرناليستيكا, كلاسسيكالىق مۋزىكا, قوعامدىق قىزمەت, سپورت, تەاتر جانە كينو, ەسترادا, حالىق شىعارماشىلىعى نوميناتسيالارى بويىنشا وتەدى.
بارلىق جەڭىمپازدارعا «دارىن» مەملەكەتتىك جاستار سىيلىعىنىڭ لاۋرەاتى» اتاعى بەرىلەدى جانە ولار ديپلوممەن, توسبەلگىلەرمەن, ءار نوميناتسيا بويىنشا 600 مىڭ تەنگە كولەمىندە اقشالاي سىيلىقتارمەن ماراپاتتالادى.
«كونكۋرسقا 29 جاسقا دەيىنگى قازاقستان رەسپۋبليكاسىنىڭ جاس ازاماتتارى قاتىسا الادى. ۇمىتكەر حالىقارالىق جانە رەسپۋبليكالىق كونكۋرستاردىڭ, فەستيۆالدار مەن كورمەلەردىڭ لاۋرەاتى, رەسپۋبليكالىق جانە حالىقارالىق دەڭگەيدەگى سپورتتىق جارىستاردىڭ جۇلدەگەرى جانە جەڭىمپازى بولۋى ءتيىس, سونداي-اق ونىڭ قىزمەتى يننوۆاتسيالىق بولۋى جانە ءتيىستى سالا مەن جالپى قوعامنىڭ دامۋىنا ىقپال ەتۋى ءتيىس», دەلىنگەن حابارلامادا.
سىيلىق الۋعا كانديداتۋرالاردى مەملەكەتتىك ورگاندار مەن قوعامدىق بىرلەستىكتەر ۇسىنادى.
مەملەكەتتىك ورگاندار, قوعامدىق بiرلەستiكتەر جانە وزگە دە زاڭدى تۇلعالار ۋاكiلەتتi ورگانعا (قر اقدم جاستار جانە وتباسى ىستەرى كوميتەتى) مىناداي قۇجاتتاردى قاعاز جانە ەلەكتروندىق تۇردە جىبەرەدى:
1) كانديداتتىڭ جەكە كۋالىگىنىڭ كوشىرمەسى;
2) وسى قاعيدالارعا قوسىمشاعا سايكەس نىسان بويىنشا تىركەۋ ءوتىنىمى;
3) قولداۋحات پەن سىيلىق الۋعا ىزدەنۋشىنىڭ جەتىستىكتەرى تۋرالى انىقتاما;
4) ماراپاتتاۋ ديپلومدارىنىڭ, گراموتالارىنىڭ, العىس حاتتارىنىڭ كوشىرمەسى (بولعان جاعدايدا);
5) كانديداتتىڭ نەمەسە كانديدات تۋرالى ماقالانىڭ, جاريالانىمداردىڭ كوشىرمەسى (بولعان جاعدايدا);
6) كانديداتتىڭ جەتىستىكتەرىن راستايتىن وزگە دە ماتەريالدار (بولعان جاعدايدا).
ماراپاتتاۋ ءراسiمi قازاقستان رەسپۋبليكاسىنىڭ تاۋەلسiزدiك كۇنiنە ورايلاستىرىلادى.
