ساعىز-مۇقىر تراسساسىنىڭ قۇرىلىسىندا زاڭسىز ەڭبەك ەتكەن 14 قىتايلىق ۇستالدى.
تەكسەرۋ بارىسىندا ولاردا «ىسكەرلىك» ساناتىنداعى ۆيزالار بارى بەلگىلى بولدى. بۇل ساناتتاعى ۆيزا قازاقستاندا ەڭبەك قىزمەتىن جۇزەگە اسىرۋ قۇقىعىن بەرمەيدى. قازىرگى ۋاقىتتا سوت شەشىمى بويىنشا قىتاي ازاماتتارى ەلدەن قۋىلدى.
سونىمەن قاتار اتالعان شەتەلدىكتەردى شاقىرۋشى تاراپتارعا قاتىستى شارا قولدانىلۋدا. شەتەلدىكتەردىڭ دەرەكتەر بويىنشا شارىقۋشى تاراپتار انىقتالىپ, ولاردىڭ ۇستىنەن قر اقبتك-ءنىڭ 519-بابى (جۇمىس بەرۋشىنىڭ شەتەلدىك جۇمىس كۇشىن جەرگىلىكتى اتقارۋشى ورگاننىڭ رۇقساتىنسىز تارتۋى نەمەسە شەتەلدىكتەر ەڭبەگىن پايدالانۋى). بويىنشا شارا قولدانۋ قاراستىرىلۋدا.
قر جوعارعى سوتىنىڭ 2017 جىلعى 6 قازانداعى № 7 نورماتيۆتىك قاۋلىسىسىنا سايكەس ەاەو ەلدەرىنىڭ ازاماتتارىن تىركەۋ قازاقستانعا كەلگەن كۇننەن باستاپ 30 كۇنتىزبەلىك كۇن ىشىندە جۇزەگە اسىرىلادى. وزبەكستان ازاماتتارىن تىركەۋ مەرزىمى 5 كۇنتىزبەلىك كۇندى قۇرايدى.
ەستەرىڭىزگە سالا كەتەيىك, بۇعان دەيىن ەاەو ەلدەرىنىڭ ازاماتتارىن تىركەۋ 35 كۇنتىزبەلىك كۇن ىشىندە, وزبەكستان ازاماتتارىن تىركەۋ 10 كۇنتىزبەلىك كۇن ىشىندە جۇزەگە اسىرىلدى. سونداي-اق, قازاقستاندىق ۆيزالاردىڭ كەز كەلگەن ساناتتاعى يەلەرى قر-دا تولقۇجاتتاردى تىركەۋدەن بوساتىلدى.
