قالدىق - 2,4 ملن. دانا ءىرى قارا مال (ىقم) تەرىسى ەسكەرىلمەي قالدى. وسى ورايدا, وتاندىق كاسىپورىندار شيكىزات تاپشىلىعىن سەزىنىپ وتىرعانىن ايتا كەتۋ كەرەك, بۇل كولەڭكەلى ەكسپورتتىڭ بار ەكەنىن كۋالاندىرادى,سونداي-اق ول كاسىپورىنداردىڭ جۇمىسىنا, ولاردىڭ باسەكەگە قابىلەتتىلىگى مەن جالپى سالا ءوندىرىسىنىڭ كورسەتكىشتەرىنە, سونداي-اق ەكسپورتتىق الەۋەتكە جانە بىلعارىدان جاسالعان ءونىمنىڭ قول جەتىمدىلىگىنە كەرى اسەر ەتەدى. بۇگىنگى كۇنى جىلدىق قۋاتى 2,7 ملن. دانا ىقم تەرىسىمەن 11 بىلعارى كاسىپورنى جۇمىس ىستەيدى.
وسىعان بايلانىستى, ۆاك شەشىمى بويىنشا ءىرى قارا مالدىڭ تەرىسىن قازاقستان اۋماعىنان التى اي مەرزىمگە شىعارۋعا تىيىم سالىندى. تىيىم 2019 جىلعى 10 ناۋرىزدان 10 قىركۇيەككە دەيىن قولدانىلادى.
ايتا كەتۋ كەرەك, 2019 جىلدىڭ 6 ايىنىڭ قورىتىندىسى بويىنشا جانە تىيىم سالۋدى ەنگىزۋ ارقىلى وسى سالادا وڭ ديناميكا بايقالۋدا. ماسەلەن, ىقم تەرىسىنەن جاسالعان تەرى ءوندىرىسىنىڭ كولەمى 2,4 ەسەگە ارتتى. كاسىپورىنداردىڭ اقپاراتى بويىنشا الىس-بەرىس شيكىزاتىن وڭدەۋگە تاپسىرىستاردىڭ كولەمى ءوستى, كاسىپورىندارعا الەۋەتتى ينۆەستورلار تاراپىنان قىزىعۋشىلىق ارتىپ وتىر. توقتاپ تۇرعان 3 كاسىپورىن ىسكە قوسىلدى («قۋات 2002» جشس, ء«ۇمىت» جشس, «PetropavlovskTannery» جشس).
سونىمەن قاتار, يندۋستريا جانە ينفراقۇرىلىمدىق دامۋ مينيسترلىگى اۋىل شارۋاشىلىعى مينيسترلىگىمەن جانە «اتامەكەن» ۇكپ بىرلەسىپ اعىمداعى جىلدىڭ 3-9 ماۋسىمى ارالىعىندا بىلعارى وڭدەۋ كاسىپورىندارىنا تەكسەرۋ جۇرگىزۋ ماقساتىندا 15 كاسىپورىنعا باردى. قولدا بار 17 ءوندىرىستىڭ 6-دا وڭدەلمەگەن تەرىدەن دايىن تەرىگە دەيىن تولىق قايتا وڭدەۋ جەلىسى بار, 3-دە تەرى مەن قوي تەرىسىنەن جاسالعان دايىن بۇيىمدار شىعارادى, قالعان 8 كاسىپورىن بىلعارى جارتىلاي فابريكاتتارىن («ۆەت بليۋ» جانە كراست) شىعارادى.
ىقم تەرىسىن وڭدەۋ بويىنشا جۇمىس ىستەپ تۇرعان كاسىپورىنداردىڭ قۋاتتىلىعى جىلىنا 2,7 ملن. دانانى قۇرايدى. بارلىق كاسىپورىندار جۇمىس ىستەپ تۇرعان كەزىندە قۋاتتىلىعى جىلىنا 3 ملن. دانادان استام ىقم تەرىسىن قۇرايتىن بولادى.
