«ارقالىق قالاسىندا مەملەكەتتىك قىزمەتشىلەردىڭ تەستىلەۋ زالىنىڭ اشىلۋى كەزدەيسوق ەمەس. وسىنداي ماڭىزدى قادامعا بارار الدىندا دەپارتامەنت ماماندارى وڭىرلەردىڭ وبلىس ورتالىعىنان الشاقتىعىن, سونداي-اق مەملەكەتتىك قىزمەتشىلەر مەن وڭىرلەردەگى بوس ورىندار سانىن زەردەلەدى. قولجەتىمدىلىك, كانديداتتار ءۇشىن قولايلى جاعداي جاساۋ جانە كولىكتىك شىعىنداردى ازايتۋ – زالدى اشۋداعى باستى مىندەتىمىز بولدى», دەيدى مەملەكەتتىك قىزمەت ىستەرى دەپارتامەنتىنىڭ باسشىسى سالاۋات مۇكسىموۆ.
ەندى امانگەلدى, جانگەلدى, ناۋرزىم اۋداندارىنىڭ, سونداي-اق ارقالىق قالاسىنىڭ ءوز ءومىرىن مەملەكەتتىك قىزمەتپەن بايلانىستىرعىسى كەلەتىن تۇرعىندارىنا بارىنشا ىڭعايلى بولادى. بۇل وڭىرلەردىڭ تۇرعىندارىنا مەملەكەتتىك قىزمەتكە تەستىلەۋ تاپسىرۋ ءۇشىن قوستانايعا ات سابىلتۋدىڭ قاجەتى جوق. ولار ءوزىنىڭ تۇرعىلىقتى جەرىنە جاقىن ارقالىق قالاسىنا بارىپ, تەستتەردى تاپسىرا الادى. بۇل ەندى مەملەكەتتىك قىزمەتكە ۇمىتكەرلەر ءوز ۋاقىتى مەن قاراجاتىن ۇنەمدەيدى دەگەن ءسوز.
سونىمەن قاتار بۇل تەستىلەۋ زالى اقمولا وبلىسىنىڭ كورشى جاقسى, ەسىل, جارقايىڭ اۋداندارىنىڭ, سونداي-اق قاراعاندى وبلىسىنىڭ ۇلىتاۋ اۋدانىنىڭ تۇرعىندارى ءۇشىن دە ىڭعايلى بولادى.
قوستاناي
