كاسىپورىن كەنشىلەرى بۇل رەكوردتىق كورسەتكىشتى ەۋرازيالىق توپتىڭ (ERG) 25 جىلدىعىنا ارنادى.
«شۇباركول كومىر» اق-نىڭ پرەزيدەنتى اندرەي سافونوۆ اتالعان وندىرىستىك جەتىستىكتى كۇللى ۇجىمنىڭ جوسپارلى جانە تولىققاندى جۇمىسىنىڭ ناتيجەسى دەپ سانايدى. كاسىپورىننىڭ بىلتىرعى وندىرىستىك كورسەتكىشى دە وتە جوعارى بولعان. مىسالى, 2018 جىلدىڭ قورىتىندىسى بويىنشا شۇباركولدىك كەنشىلەر 11 ملن 600 مىڭ توننا كومىر ءوندىردى.
قازىرگى تاڭدا «شۇباركول كومىر» اق ينۆەستيتسيالىق باعدارلاما اياسىندا ءوندىرىس تيىمدىلىگىن ارتتىرۋعا قوماقتى ۇلەس قوساتىن تاۋ-كەن جابدىعى پاركىن جاڭارتۋدى قولعا العان. مىسالى, 2019 جىلدىڭ ءبىرىنشى جارتىسىندا عانا كاسىپورىننىڭ اۆتوكولىك پاركى 11 اۋىر جۇك تاسيتىن Caterpillar 777E كولىگىمەن جانە 18 دانا قوسالقى تەحنيكامەن تولىقتى. ونىڭ ىشىندە ءموبيلدى اۆتوشەبەرحانالار, اۆتوگيدروكوتەرگىشتەر, سۋ تاسىعىش, ۆاحتالىق اۆتوبۋستار بار. بيىل تەحنيكامەن قايتا قامتاماسىز ەتۋ ءىسى اياسىندا پايدالانۋ مەرزىمى اياقتالعان ەكى «ەكگ-5ا» ماشيناسىنىڭ ورنىنا ءشومىش كولەمى 11 م3 HITACHI EX-1900 ەكسكاۆاتورى جۇمىس ىستەي باستادى. سونىمەن قاتار تەمىر جول ينفراقۇرىلىمىن جاڭارتۋ بويىنشا دا اۋقىمدى جۇمىس اتقارىلۋدا.
ەسكە سالساق, «شۇباركول كومىر» اق – قازاقستانداعى جوعارى كالوريالى جانە كۇلدىلىگى تومەن كومىر ءوندىرۋشى ءىرى كاسىپورىن. ءوندىرىس وشاعى, سونداي-اق كوكس گازىنان ارنايى كوكس پەن ەلەكتر ەنەرگياسىن وندىرۋمەن دە اينالىسادى.
قاراعاندى وبلىسى
