قازاقستان رەسپۋبليكاسىندا دەسانتتىق-شابۋىلداۋشى اسكەرلەرىنىڭ كۇنى 6 شىلدە كۇنى اتالاتىنىنا قاراماستان, ءاربىر دەسانتشى ءوزىنىڭ ءتول مەرەكەسى دەپ 2 تامىزدى سانايدى. وسى كۇندىرى, رەسەيدىڭ پسكوۆ وڭىرىندە جۇرگەن قازاقستاندىق دەسانتشىلار دا وسى مەرەكەدە بەي-جاي قالماي چەرەحا ەلدى مەكەنىندە ورنالاسقان, 76-شى گۆارديالىق اۋە-دەسانتتىق ديۆيزياسى 6 روتاسىنىڭ قۇرامىندا ەرلىكپەن قازا تاپقان 84 جاۋىنگەردىڭ قۇرمەتىنە قويىلعان «كۋپول» ەسكەرتكىشىنە گۇل شوقتارىن قويىپ, ءبىر مينۋتتىق ۇنسىزدىكپەن ەسكە الدى.
اتالمىش 6 روتانىڭ جەكە قۇرامى ەكىنشى شەشەن ناۋقانى بارىسىندا, 2000 جىلدىڭ 29 اقپان كۇنى, ارگۋن شاتقالىنىڭ 776 بيىكتىگىندە سەپاراتيستەر كۇشىمەن قورشاۋعا الىنعان بولاتىن. قارسىلاستىڭ باسىم كۇشتىلىگىنە قاراماستان, دەسانتشىلار ءوز پوزيتسياسىن تاستامادى. ناتيجەسىندە بارلىعى دەرلىك ەرلىكپەن قازا تاپتى. روتا قۇرامىندا رەسەي جەرىندە تۋعان ەتنيكالىق قازاقتار قاتارداعى جاۋىنگەرلەر كۋاتباەۆ گاليم مۋحامبەتگاليەۆيچ, كەنجيەۆ امانگەلدى امانتاەۆيچ پەن امبەتوۆ نيكولاي كاميتوۆيچ, سونىمەن قوسا قازاق كسر تۋىلعان كىشى سەرجانت ەليسەەۆ ۆلاديمير سەرگەەۆيچ, ەفرەيتور گەردت الەكساندر الەكساندروۆيچ بولدى.
قازاقستاندىق دەسانتشىلار وسى جارىستىڭ بارىسىندا, پسكوۆ وبلىسىنىڭ نوۆوسوكولني ايدانى, موناكوۆو اۋىلىندا جەرلەنگەن كەڭەس وداعىنىڭ باتىرى اليا مولداعۇلوۆانىڭ جەرلەنگەن جەرىنە بارۋدى جوسپارلاعان.
ماڭعىستاۋ وبلىسى
