جوبانىڭ جەتەكشىسى ءسالىمحان ء سابيتوۆتىڭ باستاماسىمەن اشىلعان مۇمكىندىگى شەكتەۋلى جاندارعا ارنالعان اۆتومەكتەپتىڭ تۇلەكتەرى سوڭعى تەستىلەۋ سىناقتارىن ءساتتى تاپسىردى. ەندى ولار زىڭگىتتەي زامانداستارى سەكىلدى جەڭىل كولىك جۇرگىزۋگە تولىق قۇقىلى.
تەمىر تۇلپار ارنايى قوندىرعىلارمەن جابدىقتالعان. قولمەن باسقارۋ وتە ىڭعايلى ەتىپ ويلاستىرىلعان. دەنساۋلىق ساقتاۋ مينيسترلىگىنىڭ تالابى بويىنشا ازاماتتاردىڭ ەكى قولى مەن ءبىر اياعى جۇمىس ىستەۋى قاجەت», دەيدى «راۆنايا دوروگا» جشس اۆتومەكتەبىنىڭ ديرەكتورى س. ءسابيتوۆ.
اۆتومەكتەپتى تامامداعان 7 تۇلەكتىڭ 4-ءۋى– مۇمكىندىگى شەكتەۋلى جاندار. سولاردىڭ ءبىرى الەكسەي ماسلوۆ سىناقتان ويداعىداي ءوتىپ, جۇرگىزۋشى كۋالىگىن يەلەندى. سول سياقتى ەكاتەرينا زالەتسكايا دا كولىك جۇرگىزۋگە رۇقسات بەرەتىن كۋالىك العانىنا قۋانىشتى. كولىك جۇرگىزۋ ونىڭ بالا كەزدەن بەرگى ارمانى ەكەن. الايدا دەنساۋلىعىنا بايلانىستى بۇل مۇمكىن ەمەستەي كورىنگەن. العاش رولگە وتىرعان كەزدە قوبالجىعانىمەن, تەز ۇيرەنىپ كەتكەن.
جوبا جەتەكىشسى ءسالىمحان ءسابيتوۆتىڭ الداعى جوسپارى اۋقىمدى. وسىنداي باستامانى كورشى قالالاردا دا تاراتپاق نيەتتە.
سولتۇستىك قازاقستان وبلىسى
