ايماقتار • 05 تامىز، 2019

تاڭعاجايىپ تۇڭعيىقگۇل

33 رەتكورسەتىلدى

ەستە جوق ەسكى زاماندا ءبىر تەڭىز سۇلۋى ءومىر ءسۇرىپتى دەسەدى. ايدان اسەم، كۇننەن كوركەم كەلبەتىنە قاراعان جان كوزىن الا الماي قالادى ەكەن. بىراق تاكاپپار ارۋ ادام بالاسىن مەنسىنبەپتى. عايىپتان تايىپ بىرەۋ وزىنە قاراي بەتتەسە، سۋعا سۇڭگىپ جوعالادى.

قۇرىلعان تورعا دا تۇسپەيدى. ەش­قان­داي اقىننىڭ جىرى، باتىردىڭ سەرتى سۇلۋدىڭ جۇرەگىن جىبىتە الماپتى. ءبىر كۇنى تاڭ الەتىندە سول وزەنگە گەراكل كەلىپ جۋىنادى. سىمباتتى جىگىتتىڭ كوركى كوزىن ارباعان سۇلۋ اڭ-تاڭ قالىپتا تۇرىپ قالادى. ال باتىر جىگىت قىزدى بايقامايدى دا، جۋىنىپ الىپ ارتىنا قاراماي كەتە بەرەدى. جۇرەگى كەۋدەسىنە سىيماي جانىن ورتەگەن سۇلۋ قىز جانارى مولدىرەپ ايدىننىڭ جاعاسىندا قالا بارىپتى. سودان قايتىپ سۋعا سۇڭگىمەي، عاشى­عىن كۇتكەن ادەمى گۇلگە اينالىپتى. تۇڭعيىقگۇل تۋرالى وسىنداي اڭىز بار.

سولتۇستىك جانە ورتالىق امەريكا­دا، گاۆاي ارالدارىندا جانە اۋس­تراليا، جاپونيا، قىتاي مەن ءۇندىس­تاندا، فيليپپيندە عانا وسەتىن وسى عاجايىپ گۇلدى اتىراۋ وبلىسىنىڭ قۇرمانعازى اۋدانىنداعى قيعاش وزەنىنە بارساڭىز كورە الاسىز. اسىرەسە تامىز ايىندا كول بەتى كەرەمەت سۇلۋلىققا بولەنىپ، القىزىل گۇلدەردىڭ الاڭىنا اينالادى. سوڭعى جىلدارى قيعاشقا تەك وسى تۇڭعيىقگۇلدى تاماشالاۋ ءۇشىن باراتىن تۋريستەردىڭ قاتارى كوبەيگەن. «پلانەتا.kz» تۋريستىك كومپانياسىنىڭ باسشىسى روزا بەكەنوۆا: «اتىراۋ وبلىسىندا بۇل گۇل جەتى جىلدان بەرى وسەدى، – دەيدى. –مامانداردىڭ اي­تۋىنشا، بىزگە رەسەيدىڭ استراحان وبلىسىنان كەلگەن. وبلىستىق اڭشىلار مەن بالىقشىلار قوعامىمەن بىرلەسىپ تۇڭعيىقگۇل القابىنا تۋريستىك باعىت اشتىق. وتكەن جىلى 30-دان استام تۋريست بارىپ قيعاش وزەنىنىڭ عاجاپ تابيعاتىن كورىپ كەلدى». ءبىر قيىنى، اتىراۋ-استراحان تاس جولىنىڭ قازىرگى جاعدايى بۇل تۋريستىك باعىتتى وركەندەتۋگە قولبايلاۋ بولىپ وتىر.

كۇنمەن بىرگە ويانىپ قاۋىزىن اشىپ، كۇن باتقاندا ۇيقىعا كەتەتىن تۇڭعيىقگۇل بيىل دا قيعاش بويىن اسەمدىككە بولەپ تۇر.

 

اتىراۋ

 

سوڭعى جاڭالىقتار

ىستىق تاماق تاراتتى

قازاقستان • بۇگىن، 17:59

جاقسى اكىم جالعىز جۇرەدى

تانىم • بۇگىن، 17:02

بەتپەردە كيگەن كوكتەم

تانىم • بۇگىن، 16:55

ۇقساس جاڭالىقتار