مەكسيكانىڭ لوس كابوس قالاسىندا ءوتىپ جاتقان ATP ساناتىنداعى جارىستا ەرلەر اراسىندا قازاقستاننىڭ ءبىرىنشى راكەتكاسى ميحايل كۋكۋشكين ¼ فينالدا الەمدىك رەيتينگتە 27-ورىندا تۇرعان ارگەنتينالىق ديەگو شۆارتسمانمەن كۇش سىناستى. ءبىر ساعاتقا سوزىلعان باسەكەدە شۆارتسمان 6:1, 6:2 ەسەبىمەن جەرلەسىمىزدەن باسىم ءتۇستى. بۇعان دەيىن ەكى تەننيسشى ءوزارا ءۇش مارتە كەزدەسىپ, ەكى ماتچ قازاقستاندىق تەننيسشىنىڭ جەڭىسىمەن اياقتالعان ەدى.
ال اقش-تىڭ ۆاشينگتون قالاسىنداعى تۋرنيردە باق سىناعان زارينا دياس شيرەك فينالدا يتاليالىق كاميلا دجوردجيمەن كەزدەستى. دۇنيەجۇزىلىك رەيتينگتە 84-ورىندا تۇرعان زارينا الەمنىڭ 62-راكەتكاسى كاميلا دجوردجيمەن ەكى سەت ويناپ, 6:3, 6:2 ەسەبىمەن ەسە جىبەردى. بۇعان دەيىن تەننيسشىلەردىڭ ەكى مارتە جولدارى ءتۇيىسىپ, ءبىر-بىردەن ۇتقان بولاتىن.
