«امەريكالىق تاراپتىڭ الدىن الا بەرگەن اقپاراتىنا سايكەس, زارداپ شەككەندەردىڭ ىشىندە قازاقستان ازاماتى جوق», - دەدى ءسىم-ءنىڭ رەسمي وكىلى ايبەك سمادياروۆ.
ايتا كەتسەك, اقش-تىڭ تەحاس شتاتىنداعى ەل-پاسو قالاسىنداعى ساۋدا ورتالىعىندا اتىس بولىپ, الدىن الا اقپارات بويىنشا 20 ادام قايتىس بولعان. تاعى 24 ادام ءارتۇرلى دەنە جاراقاتىن العان.
دەسە دە, كەيبىر باق كوزدەرى اتىستان 40 ادامنىڭ زارداپ شەككەنىن حابارلايدى.
اتىسقا بايلانىستى 21 جاستاعى جاس جىگىت ۇستالعان. مەكسيكا پرەزيدەنتى اندرەس مانۋەل لوپەس وبرادوردىڭ حابارلاماسىنا ساي, قايتىس بولعانداردىڭ ىشىندە ۇشەۋى مەكسيكالىق بولعان.
بۇدان بۇرىن اقش پرەزيدەنتى دونالد ترامپ ءوزىنىڭ Twitter پاراقشاسىندا قايتىس بولعانداردىڭ وتباسىنا كوڭىل ايتىپ, وقيعانى «تراگەديا عانا ەمەس, قورقاقتىقتىڭ كورىنىسى» دەپ اتاعان بولاتىن.
