كەلىسىم شەڭبەرىندە بريتاندىق كومپانيا «اكتەپ» سەرىكتەستىگىنىڭ بورداقىلاۋ الاڭى جانە اقتوبە وبلىسىنىڭ باسقا الاڭدارىندا وسى كومپانيامەن بىرلەسىپ جۇمىس جاسايتىن 500-گە جۋىق سەرىكتەستىكتەردە ءىرى قارا مالدىڭ گەنەتيكالىق ساپاسىن ارتتىرۋ ارقىلى ەت ونىمدىلىگىن ارتتىرۋعا مىندەتتەمە الدى. اتالعان گەن جەمنىڭ كونۆەرسياسىن جاقسارتۋعا كومەكتەسەدى, ياعني ەگەر قازاقستاندا ورتا شامامەن 8 كگ جەمگە 1 كگ ەت وندىرىلسە, ۇسىنىلعان ءتاسىل ارقىلى 3 كگ جەمگە 1 كگ ەت الىنادى.
«Genus Breeding Ltd» كومپانياسى 2020 جىلى جوبانىڭ ءبىرىنشى كەزەڭىن جۇزەگە اسىرۋ ماقساتىندا اقتوبە قالاسىنا ارنايى مامان جىبەرەتىن بولادى. الدىن-الا ەسەپتەۋلەر بويىنشا, جۇمىستىڭ العاشقى جىلدارىندا كىرىستىڭ جىل سايىنعى ءوسۋى ءار جاڭا تۋعان بۇزاۋدان شامامەن 50-100 مىڭ تەڭگەنى قۇرايدى. بۇل كورسەتكىشكە ءىرى قارا مالدىڭ جالپى سالماعىن ۇلعايتۋ, جىلدام ءوسۋ جانە جەمدى ۇنەمدەۋ ارقىلى قول جەتكىزىلەدى.
جوبانىڭ تارتىمدىلىعى – قازاقستان تاراپ ءۇشىن جوعارى ءتيىمدى بولىپ تابىلادى اتاپ وتسەك, «Genus Breeding Ltd» كومپانياسىنىڭ اقىسى, تەك بەس جىل مەرزىمىندە جىل سايىن «اكتەپ» كومپانياسىنىڭ تابىسىن ارتتىراتىن بولسا عانا تولەنەتىن بولادى. سىياقى مولشەرى قازاقستاندىق كومپانيانىڭ جىل سايىن قوسىمشا كەلگەن كىرىسىنىڭ 30% قۇرايدى.
بۇل جوبانى ىسكە اسىرۋدىڭ قورشاعان ورتاعا تيگىزەتىن جاعىمدى اسەرىن اتاپ وتكەن ءجون, ول جەمشوپتىڭ ناقتى كولەمىنىڭ ازايۋى جانە ءىرى قارا مالدىڭ ەسەيۋ مەرزىمىنىڭ قىسقارۋى ارقىلى اتموسفەراعا كومىرقىشقىل گازىنىڭ شىعارىلۋىنىڭ تومەندەۋىنە اكەلەدى.
سونىمەن قاتار كەلىسىم بويىنشا «Genus Breeding Ltd» «اكتەپ» كومپانياسىنا ءوز ونىمدەرى مەن ۇلەستىرمەلەردە لوگوتيپىن بەلسەندى تۇردە پايدالانۋ قۇقىعىن بەرىپ وتىر, بۇل قازاقستاندىق كومپانيانىڭ حالىقارالىق دەڭگەيدە باسەكە قابىلەتتىلىگىن ارتتىرىپ, ءوندىرىستى ارتتىرۋ ءۇشىن شەتەلدىك ينۆەستورلاردى تارتۋعا مۇمكىندىك بەرەدى.
سونداي-اق, بۇل جوباعا قازاق مال شاۋاشىلىعى جانە جەمشوپ ءوندىرىسى عىلىمي-زەرتتەۋ ينستيتۋتى قىزىعۋشىلىق تانىتىپ وتىر. ينستيتۋت قىزمەتكەرلەرىن ەمپيريكالىق تالداۋعا جانە جاساندى ۇرىقتاندىرۋدان باستاپ مال وسىرۋگە دەيىنگى بۇكىل وندىرىستىك تسيكلدى زەرتتەۋگە ءوزىنىڭ ەكى قىزمەتكەرىن جولدايتىن بولادى. ەگەر دە جوبانىڭ ايقىن ارتىقشىلىقتارى مەن ەكونوميكالىق ومىرشەڭدىگى جەتكىلىكتى دالەلدەرمەن كۋالاندىرىلاتىن بولسا, وندا بۇل تاجىريبەنى قازاقستاننىڭ باسقا ايماقتارىنا كەڭەيتۋ ماسەلەسى قاراستىرىلادى.
انىقتاما: «اكتەپ» جشس ايماقتاعى 500-دەن استام فەرمالار مەن بورداقىلاۋ الاڭدارىن بىرىكتىرىپ, اقتوبە وبلىسىنداعى ءىرى ەت ەكسپورتتاۋشى بولىپ تابىلادى. كومپانيا وڭدەۋدىڭ بارلىق پروتسەسىن دەربەس جۇزەگە اسىرادى: مال وسىرۋدەن باستاپ, مال ازىعىن ءوندىرۋ, بورداقىلاۋ, ەتتى قايتا وڭدەۋ بەلگىلى ءبىر تۇتىنۋشىنىڭ تاپسىرىسى بويىنشا دايىن ءونىمدى جونەلتۋگە دەيىن قىزمەت كورسەتەدى. بۇل تولىق وندىرىستىك تسيكلى بار كاسىپورىن, ونىڭ «ابەردين-انگۋس» اسىل تۇقىمدى ءىرى قارا 6000 باس مالىن وسىرۋگە ارنالعان رەپرودۋكتورى, جىل سايىن 22 مىڭ باس مالدى بورداقىلاۋعا ارنالعان اسىل تۇقىمدى مال شارۋاشىلىعى كەشەنى, قۋاتتىلىعى جىلىنا 7 200 توننا ەت وڭدەۋ زاۋىتى بار.
