قازاقستان • 02 تامىز، 2019

قازاقستاندا جىل سايىن 2300 ادامدا اcقازان وبىرى بار ەكەنى انىقتالادى

175 رەت كورسەتىلدى

الماتى قالاسىنداعى قر دسم قازاق ونكولوگيا جانە راديولوگيا عىلىمي-زەرتتەۋ ينستيتۋتى مەن ەلىمىزدىڭ بارلىق وڭىرلىك ونكولوگيالىق ديسپانسەرلەرى بىرىگە وتىرىپ، ىسىك الدى اۋرۋلارى جانە اسقازان وبىرىنىڭ باستاپقى تۇرلەرىن ەرتە انىقتاۋ ءۇشىن اشىق ەسىك كۇنىن وتكىزدى.

ايناش ەسالى

قازاقستاننىڭ توراكوابدومينالدىق ونكولوگياسىنىڭ جەتەكشى ماماندارى تەگىن كەڭەس بەردى. سونداي-اق، تەگىن بيوپسيا مەن فگدس جاسالدى.

الماتىداعى قازوجرعزي-دا ءبىر كۇن ىشىندە 119 ناۋقاس تەكسەرىلىپ، نەگىزىنەن دارىگەرگە قارالاۋعا كەلگەن ادامدار الماتى قالاسى مەن الماتى وبلىسىنىڭ تۇرعىندارى بولدى.

ەندوسكوپيالىق زەرتتەۋگە (فگدس) 55 ادام جىبەرىلدى. تەكسەرۋلەر ناتيجەسىندە 6 قابىنۋ، 1 اسقازان جاراسى، 1 اسقازان قاتەرلى ىسىگى انىقتالدى. سولتۇستىك قازاقستان وبلىسىنىڭ ونكولوگيالىق ديسپانسەرىندە ونكولوگتار 664 ادامدى قابىلدادى. 16 ادامدا اسقازان وبىرى بەلگىلەرى بايقالىپ، باسقا اۋرۋلاردىڭ ءتۇرى – 74 بولدى. قىزىلوردا وبلىسىندا 192 ادام قابىلداندى، وبىر اۋرۋىنا كۇدىكتى – 2، باسقا اسقازان اۋرۋلارى – 31 ادامدا انىقتالعان. وسكەمەن قالاسىنىڭ ونكولوگيالىق ديسپانسەرىندە 414 ادام، وبىر اۋرۋىنا كۇدىكتى – 16 ادام تەكسەرىلدى. باسقا اۋرۋلار – 365. نۇر-سۇلتان قالاسىندا اسقازان وبىرىنا 98 ادام تەكسەرىلدى. وبىر اۋرۋىنا كۇدىكتى – 1، باسقا اۋرۋلار – 37. اشىق ەسىك كۇنى اياسىندا قازاقستان بويىنشا بارلىعى 1886 ادام تەكسەرىلدى. 49 ادامدا قاتەرلى ازقازان ىسىگى بەلگىلەرى بايقالىپ، 758 ادامدا باسقا ازقازان كەسەلدەردىڭ بار ەكەنى انىقتالدى

سوندىقتان، وتاندىق ماماندار ەگەر سىزدە اس قورىتۋ جولدارىنىڭ قىزمەتى بۇزىلسا، تاماقتانعان كەزدە ىڭعايسىزدىق سەزسەڭىز، كۇيىك، جۇرەك اينىسا، قان ازدىعىنا ۇشىراپ، سالماق جوعالتىپ، تەز شارشايتىن بولساڭىز، بىردەن دارىگەرلەرگە قارالۋعا كەڭەس بەرەدى.

ەستەرىڭىزگە سالا كەتەيىك، اسقازان وبىرى قازاقستاندىقتاردىڭ ەڭ كوپ تارالعان ونكولوگيالىق اۋرۋلاردىڭ بەستىگىنە كىرەدى. جىل سايىن ەلىمىزدە 2300 ادامعا وسى دياگنوز قويىلادى.

الماتى