جاعاسى جايلاۋدا جۇرگەندەر شىلىڭگىر شىلدەنىڭ اياقتالىپ قالعانىنا قاراماستان قىلىشىن سۇيرەتىپ قاحارلى قىس كەلمەيتىندەي اسىعار ەمەس. اكىمدىك اپتا سايىن جينالىس وتكىزىپ, جىلىتۋ قۇبىرلارىن جۋىپ-شايۋ, پاسپورتتارىن ازىرلەۋ جونىندە قانشا حابارلاما جاساعانىنا قاراماستان وسى كۇنى بارلىق كوپقاباتتى ۇيلەردىڭ ءبىر پروتسەنتى عانا دايارلىق قۇجاتتارىن العان.
«5-ءشى لينيا 4» پاتەر يەلەرى كووپەراتيۆى 430 پاتەرلىك كوپقاباتتى ۇيلەردى تاپ-تۇيناقتاي ەتىپ قويعان. ونىڭ ءتورايىمى ۆالەنتينا ناۆيجەننايا دايىندىق شارالارىن ەرتە كوكتەمدە باستاپتى. ۇيلەردىڭ شاتىرلارى, دالىزدەر جوندەلىپ, جەرتولەدەگى سۋ قۇبىرلار الماستىرىلىپتى. الايدا ۇلگى الارلىق بۇل تاجىريبەنى قوستاۋشىلار قاتارى كوپ ەمەس.
اكىمدىكتەگىلەردىڭ ايتۋىنشا, 3-ءشى كىرپىش قىسقا كوشەسىندەگى 14-ءشى ءۇي جىلىتۋ ماۋسىمىنا مۇلدەم ازىرلەنبەيتىن كورىنەدى. بار-جوعى 17 پاتەردەن مىندەتتى تولەمدەردى جيناۋدىڭ ءوزى ۇلكەن ماشاقات ەكەن. ءۇي تىركەۋگە الىنباعان. باسقارۋ فورماسى قۇرىلماعان. جەرتولەدەگى قۇبىرلار جاڭالانباعان.
«كوبىنەسە ەكىقاباتتى ءۇي تۇرعىندارى جىلىتۋ ماۋسىمىنا مۇلدەم دايىندالمايدى دەسە دە بولادى. پاتەر يەلەرى كووپەراتيۆى جوق دەگەن سىلتاۋلارى تاۋسىلمايدى. بۇدان بىلاي مۇنداي جاۋاپسىز ۇيلەر تۇرعىندارىنان شاعىم قابىلدانبايدى», دەيدى قالالىق تۇرعىن ءۇي قاتىناستارى ءبولىمى باسشىسىنىڭ مىندەتىن اتقارۋشى ماديار جانگۋدينوۆ.
جىلىتۋ ماۋسىمىنا دايىندالماعان ۇيلەردى ورتالىق جىلۋ جەلىلەرىنەن اعىتىپ تاستاۋ سياقتى قاتاڭ شارالار دا قولدانىلاتىن كورىنەدى. تۇرعىندار بولسا ءوز بەتتەرىمەن جىلىتۋ جۇيەسىنە بەي-بەرەكەت پلاستيكالىق قۇبىرلار ورناتادى. جىلۋ رادياتورلارىنىڭ سانىن وزگەرتەدى. جىلىتۋ جۇيەسىن جۋىپ-شايمايدى. سالدارىنان پاتەرلەرىنە جىلۋ قاجەتتى مولشەردە جەتپەي جاتادى.
وبلىس ورتالىعىندا 1086 كوپقاباتتى ءۇي بار. ولاردىڭ 260-ى عانا جىلۋ قۇبىرلارىن جۋىپ-شايعان. ال دايارلىق قۇجاتىنا 16 باسپانا عانا يە بولعان.
سولتۇستىك قازاقستان وبلىسى
