– جارىسقا 10 جىگىت قاتىستى. جاندوس بولسا, 3 مينۋتتىڭ ىشىندە 16 حوت-دوگتىڭ 9-ىن جەپ جەڭىمپاز اتاندى! – دەيدى كاسىپكەر.
قالا كۇنىنە وراي وتكەن مەرەكەلىك ءارتۇرلى شارالاردىڭ اراسىنداعى حوت-دوگ جەۋ باسەكەسى ەرەكشە اسەر قالدىردى. سوندىقتان كاسىپكەر الەكسەي مازۋر تۇرعىندارعا قىزىقتى كورىنەتىن وسىنداي ەرەكشە جارىستاردى الداعى ۋاقىتتا دا جالعاستىرماق.
قالا تۇرعىندارى مەن قوناقتارىنىڭ جازعى دەمالىسى ءۇشىن ەرتىس وزەنى جاعالاۋىندا رەترو ستيلدە جىلدام تاماقتاناتىن كافە دە اشىپ قويدى.
– ءيا, ءبىر اي بويى تەگىن تاماقتاناتىنىم توسىن سىيلىق بولدى. جارىسقا ارنايى دايىندالعان جوقپىن. حوت-دوگتى جاقسى كورەمىن. جارىستا ايەلىم, بالالارىم, اپكەلەرىم قولداۋعا كەلدى, – دەيدى جاندوس.
ال جاعالاۋداعى باسپالداقتارعا جينالمالى ورىندىقتار قويىلعان, سۋبۇرقاقتار جارىسا توگىلۋدە, جارىقشامدار جارقىرايدى.
اشىق اسپان استىنداعى ەرەكشە ءدامحانا الاڭى مەرەكەلەرگە, قىزىقتى جارىستارعا,كوڭىلدى وتىرىستارعا شاقىرادى.
پاۆلودار
