الىپتار مەن الىمدىلار

وسى اپتادا استانا تورىندە بوكس فەدەراتسياسىنىڭ ۇيىمداستىرۋىمەن ەكى كۇنگە سوزىلعان بايراقتى باسەكە ءوتتى.بۇعان دەيىن ەلىمىزدە وتكەن حا­لىقارالىق تۋرنيرلەرگە وسىنشاما ءمان بەرىلگەنىن كورگەنىمىز جوق دەسەك, ارتىق ايتقاندىعىمىز ەمەس. مۇنى الدىمەن بوكس فە­دە­را­تسيا­سىنىڭ تىزگىنىن تيمۋر قۇ­لى­باەۆتىڭ ۇستاعالى بەرى ەلىمىزدە وسىنداي باسىرەلى باسەكەلەردى وتكىزۋگە, سپورت­­تىڭ وسى ءتۇرىن دامىتۋعا با­رىن­شا نازار اۋدارىلىپ جات­قاندىعىمەن بايلانىستىرۋعا بولادى. سونىمەن بىرگە, سوڭعى كەزدەرى ەلىمىزدە بوكس سىندارىنىڭ قى­زىقتى جانە تارتىستى وتۋىنە ۇلتتىق قۇرامانىڭ جاڭادان جا­ساق­تالىپ, ونىڭ باسشىلىعىنا كەلگەن مىرزاعالي ايتجانوۆتىڭ بىلعارى قول­عاپ شەبەرلەرىن ءتۇرلى باسە­كە­لەرگە قا­تىستىرىپ, ولاردىڭ  ءجۇل­دەنىڭ نەشە تۇرلەرىن قانجىعاسىنا بايلاپ اكەلىپ جاتقاندىعىنىڭ دا وزىندىك سەبەبى بار دەسەك قاتە­لەس­پەس­پىز. ال ەندى وسى جە­­تىدە استانا ءتو­رىندە ەكى كۇن بويى كەرىلگەن شار­شى الاڭدا ءوت­كەن اي­قاس­تارعا كەلەر بول­­­ساق, بۇل تۋر­نيرگە بۇعان دەيىن حابار­لا­عا­نى­مىز­داي, قا­زاق­ستان, ءازىربايجان, وزبەكستان مەن ۋكراينا قۇ­را­ما­لارى قاتىسىپ, ايبا ەرەجەسى بويىنشا 11 سالماق دارەجەسىندە قول­عاپ ءتۇيىستىردى. بۇل باسەكە وليمپيالىق جۇيە بويىنشا ءوتتى. وندا ەكى جۇپقا بولىنگەن ءتورت كوماندا ءتۋرنيردىڭ العاشقى كۇنى ءبىر-بىرىمەن كەزدەسىپ, سودان كەيىن قارسىلاستارىن ۇپاي سانى بويىنشا جەڭگەن قۇرامالار كەلەسى كۇنى ءوزارا كۇش سىناستى. ءسويتىپ, ءبىرىنشى كۇنگى ايقاستا ءازىربايجان مەن وزبەكستان, ۋكراي­نا مەن قازاقستان كومان­دا­لا­رى كەزدەستى. بۇل سىندا الا تاقيالى اعايىندار قاپ تاۋىنىڭ ەتەگىنەن كەلگەن قوناقتاردى 7:4 ەسەبىمەن جەڭسە, الاڭ يەلەرى ۋكراينا بوكس­شى­لارىن 10:1 ەسەبىمەن تىزە بۇكتىردى. ال ەكىنشى كۇنى  ءۇشىنشى ورىن ءۇشىن وتكەن ايقاستا ۋكراينا شە­بەر­لەرى قازاق بوكسشىلارىنا ءجى­بەر­گەن ەسەسىن ءازىربايجان قۇرا­ما­سى­نان قايتاردى. ەسەپ – 6:5. وسى كۇنى ءتۋرنيردىڭ جەڭىمپازىن انىق­تاۋ ءۇشىن بولعان سىن اسا قىزىقتى جانە تارتىستى ءوتتى. بۇل جەكپە-جەكتەردە وتانداستارىمىز ءبىر عانا سالماق دارەجەسىن ەسەپتەمەگەندە شارشى الاڭعا وزبەك ەلىنىڭ ءۇمىتىن ارقالاپ شىققان بوكسشىلاردىڭ ءبارىن ۇتتى. قورىتىندى ەسەپ –  9:2. مۇندا ءبىرجان جاقىپ (48 كگ.), ميراس جاقىپوۆ (51 كگ.), دانيار تولەگەنوۆ (54 كگ.), دۋمان ءالىموۆ (57 كگ.), ايدار امىرزاقوۆ (60 كگ.), باقىتجان قوجابەكوۆ (69 كگ.),  المات سەرىموۆ (81 كگ.), ۆاسيلي لەۆيت (91 كگ.) ءوز سالماق دارە­جە­لە­رىندە ايقىن باسىمدىلىق تانىتسا, اسا اۋىر سالماقتا ايقاسقان رۋسلان مىر­سا­تاەۆ قارسىلاسىن نو­كاۋتپەن جەڭدى. ءسويتىپ, ەكى كۇنگە سوزىلعان ءتۋرنيردىڭ قورىتىندىسى بويىنشا دۋمان ءالىموۆ باسەكەنىڭ ەڭ ۇزدىك بوكسشىسى اتاعىنا يە بولدى. داستان كەنجالين, سۋرەتتەردى تۇسىرگەن  ورىنباي بالمۇرات.