- جىل سايىن وتەتىن قايىرىمدىلىق شاراسىندا بالالاردى بارىنشا قامتۋعا باسىمدىق بەرەمىز. بيىلعى شارانى العاشقىلاردىڭ ءبىرى بولىپ, الماتى وبلىستىق ءبىلىم جانە عىلىم قىزمەتكەرلەرى كاسىپوداق ۇيىمى ۇيىمداستىردى. وعان الماتى وبلىستىق ۇيىمى, تالدىقورعان, تەكەلى قالالىق, ەسكەلدى, كوكسۋ, قاراتال اۋداندىق جانە ءى. جانسۇگىروۆ اتىنداعى جەتىسۋ مەملەكەتتىك ۋنيۆەرسيتەتىنىڭ كاسىپوداق فيليالدارىنىڭ توراعالارى, اتا-انالار جانە وقۋشىلار قاتىستى. بۇل شارانىڭ ماقساتى – ەلىمىزدىڭ ەرتەڭى-بالالارعا قامقورلىق كورسەتۋ, كوپبالالى وتباسىلاردىڭ بالالارىنا ساپالى ءبىلىم الۋىنا مەيلىنشە جاعداي جاساۋ, مەكەمە باسشىلارى مەن قايىرىمدى جانداردى اكتسياعا قولداۋ كورسەتۋگە شاقىرىپ, بالالارعا دەمەۋشىلىك جاساۋ, دەيدى ءبىلىم جانە عىلىم قىزمەتكەرلەرى كاسىپوداعى الماتى وبلىستىق ۇيىمىنىڭ توراعاسى سادىق ابدىقادىروۆ.
اكتسيا باستالعان العاشقى كۇنى كاسىپوداق تاراپىنان 18 وقۋشىعا مەكتەپكە قاجەتتى كيىم-كەشەكتەر مەن قاجەتتى قۇرال-جابدىقتار تابىس ەتىلدى. قايىرىمدىلىق شاراسىنا قاتىسقان ەسكەلدى اۋدانىنداعى و. كوشەۆوي اتىنداعى ورتا مەكتەپتىڭ كىتاپحاناشىسى, كوپ بالالى انا ايگۇل جۇماحانوۆا ۇيىمداستىرۋشىلارعا اتا-انالاردىڭ اتىنان بالالارىنىڭ مەكتەپكە بارۋىنا ىقپال ەتىپ, الاڭسىز ءبىلىم الۋىنا جاعداي جاساعان جانداردىڭ جومارتتىعىنا العىسىن ايتسا, تەكەلى قالاسىنداعى №3 ورتا مەكتەپتىڭ وقۋشىسى ەللا ەرماكوۆا قايىرىمدى ازاماتتاردىڭ قايىرلى ىستەرىنە ريزاشىلىعىن ءبىلدىرىپ, قۋانىشىمەن ءبولىستى.
قايىرىمدىلىق اكتسياسى الداعى ۋاقىتتا دا جالعاسىن تاۋىپ, جالپى سانى 100 وقۋشىعا كومەك كورسەتىلىپ, يگى ماقساتقا 2 ملن تەڭگە كولەمىندە قارجى جۇمسالماقشى.
الماتى وبلىسى
