العاشقى اينالىمدا ول 15 جاستاعى امەريكالىق كوري گاۋففتى سان سوقتىردى. ءبىر ساعاتقا سوزىلعان باسەكە 6:4, 6:2 ەسەبىمەن اياقتالدى. ەكىنشى كەزەڭدە جەرلەسىمىزدى ۋكراينالىق لەسيا تسۋرەنكو كۇتىپ تۇر. 30 جاستاعى تسۋرەنكو الەمدىك رەيتينگتە 35-ورىندا بولسا, زارينا دياس قازىرگى تاڭدا توپ-100 تەننيسشىنىڭ ىشىندە 84-ساتىعا ورنالاسقان. اقش-تاعى Citi Open ءتۋرنيرىنىڭ العاشقى اينالىمىندا لەسيا قىتايلىق يافان ۆاندى 6:3, 6:2 ەسەبىمەن قاپى قالدىرعان.
ەسكە سالا كەتەيىك, امەريكالىق كوري گاۋفف بيىلعى ۋيمبلدون ءتۋرنيرىنىڭ باستى سەنساتسياسىن جاساعان ەدى. ول ءتۋرنيردىڭ ەڭ جاسى كىشى قاتىسۋشىسى اتانىپ قانا قويماي, نەگىزگى كەزەڭدە امەريكالىق ايگىلى تەننيسشى ۆينۋس ۋيليامستى جەڭىپ, ايدى اسپانعا ءبىر-اق شىعارعان بولاتىن.
