قوعام • 01 تامىز، 2019

قازاقستان حالقى اسسامبلەياسى رەسپۋبليكالىق بىرىڭعاي مەدياتسيا كۇنىن وتكىزەدى

231 رەت كورسەتىلدى

قازاقستان حالقى اسسامبلەياسى 2019 جىلعى 5 تامىزدا ەلىمىزدە قازاقستان رەسپۋبليكاسىنىڭ «مەدياتسيا تۋرالى» زاڭى كۇشىنە ەنگەن كۇنىنە ارنالعان «رەسپۋبليكالىق بىرىڭعاي مەدياتسيا كۇنىن» وتكىزەدى. بۇل تۋرالى اسسامبلەيانىڭ ءباسپاسوز قىزمەتى حابارلادى.

بارلىق وڭىرلەردەگى قحا دوستىق ۇيلەرى بازاسىندا ساعات 11.00-دەن 16.00-گە دەيىن اسسامبلەيانىڭ ءداستۇرلى جىل سايىنعى «مەدياتسيا كابينەتتەرىنىڭ اشىق ەسىك كۇنى» اكتسياسى وتەدى. ول قوعامدىق كەلىسىم مەن جالپىۇلتتىق بىرلىك سالاسىنداعى مەدياتسيا ينستيتۋتىن دامىتۋعا باعىتتالعان. ءىس-شارالار بارىسىندا مەدياتورلار قىزىعۋشىلىق تانىتقان بارلىق ازاماتتارعا كەڭەستەر بەرەدى جانە وتەۋسىز نەگىزدە مەدياتيۆتىك كەلىسىمدەر جاسايدى.

اكتسيا سوتتاردىڭ، پروكۋراتۋرانىڭ، ادىلەت ورگاندارىنىڭ، جەرگىلىكتى اتقارۋشى ورگانداردىڭ، قوعام قايراتكەرلەرىنىڭ، كاسىبي مەدياتسيا ورتالىقتارى وكىلدەرىنىڭ جانە ت.ب. قاتىسۋىمەن ۇيىمداستىرىلادى.

ءىس-شارالار بارىسىندا قحا «جاڭعىرۋ جولى» رەسپۋبليكالىق جاستار قوزعالىسى مۇشەلەرى مەدياتسيانى دامىتۋ ماسەلەلەرى بويىنشا تۇرعىندار اراسىندا ساۋالناما جۇرگىزۋى كوزدەلگەن.

سوڭعى جاڭالىقتار

تاعى 1650 قازاقستاندىق ىندەت جۇقتىردى

كوروناۆيرۋس • بۇگىن، 09:00

سوفيادان ولجالى ورالدى

سپورت • بۇگىن، 08:40

ۇقساس جاڭالىقتار