01 تامىز، 2019

قىزىل جالىنعا ورانعان ءسىبىر

223 رەت كورسەتىلدى

رەسەيدىڭ ءسىبىر ايماعىنداعى الاپات ءورتتىڭ تۇتانعانىنا ءبىر اپتاعا جۋىقتادى. الايدا كورشىلەس ەلدىڭ توتەنشە جاعدايلار قىزمەتى ءتىلسىز جاۋدى اۋىزدىقتاۋعا مۇرساتى جەتپەي جاتىر. رەسەي فەدەراتسياسى توتەنشە جاعدايلار ءمينيسترىنىڭ ورىنباسارى الەكساندر چۋپرياننىڭ حابارلاۋىنشا، قىزىل جالىن تايگانىڭ 3 ملن-عا جۋىق گەكتار اۋماعىن شارپىعان ەكەن.

شىعىستان سوققان جەلدىڭ سالدارىنان ءورت ءتۇتىنى كراسنويار ايماعىنداعى ەۆەنكي اۋدانىنان حاكاسيا، التاي ايماعى، كەمەروۆ، ءنوۆوسىبىر، ومبى جانە توم وبلىستارىنا تاراعان. توتەنشە جاعداي رەجىمى يركۋت وبلىسى، كراسنويار ايماعى، سول سەكىلدى بۋرياتيانىڭ ەكى اۋدانى جانە ياكۋتيانىڭ ءبىر اۋدانىندا ەنگىزىلىپتى. ەلدىڭ تابيعي رەسۋرستار ءمينيسترى دميتري كوبىلكيننىڭ بولجاۋىنشا، ءورتتىڭ تۇتانۋىنا كۇننىڭ كۇركىرەۋى اسەر ەتۋى مۇمكىن. ءتىلسىز جاۋمەن كۇرەسكە ءۇش مىڭداي ادام، 350-دەن استام تەحنيكا جانە 26 اۋە قۇرالى جۇمىلدىرىلعان.

دەسە دە بيلىكتىڭ ارەكەتى سىبىرلىكتەردىڭ كوڭىلىنەن شىقپاي وتىر. جەرگىلىكتى تۇرعىندار ءورت وشاقتارىن شۇعىل تۇردە ءسوندىرۋدى تالاپ ەتۋدە. ءتىپتى وسىعان بايلانىستى ارنايى پەتيتسياعا قول قويۋ ناۋقانى باستالىپ كەتىپتى. بەلسەندىلەر قوسىمشا تەحنيكا مەن قۇتقارۋشىلاردىڭ سانىن ارتتىرۋ قاجەت ەكەنىن ايتادى. جەرگىلىكتى حالىق اتالعان جاعدايدىڭ ورىن الۋىنا بيلىكتى كىنالاۋدا. سەبەبى ءورتتى ءسوندىرۋ ەكونوميكالىق تۇرعىدان ءتيىمسىز بولعاندىقتان، جاۋاپتى ورگاندار ق ۇلىقسىزدىق تانىتتى دەيدى تۇرعىندار. ەندى قاھارىنا مىنگەن ءتىلسىز جاۋ جاقىن ماڭداعى ەلدى مەكەندەردى دە شارپۋى مۇمكىن. 

رەسەيدەگى جاعدايدى گولليۆۋد جۇلدىزدارى دا نازارىنا العان ەكەن. ماسەلەن، لەوناردو دي كاپريو Instagram-داعى جەكە پاراقشاسىندا تايگاداعى احۋالعا الاڭداۋشىلىعىن ءبىلدىردى.

«ورمان ورتىنەن پوليارلىق ايماققا وراسان نۇقسان كەلۋدە. ونىڭ گرەنلانديا، ءسىبىر مەن الياسكاداعى وشاقتارىن عارىشتان كورۋگە بولادى. دۇنيەجۇزىلىك مەترولوگيالىق ۇيىمنىڭ مالىمەتىنشە، وسى ءورتتىڭ سالدارىنان كومىرقىشقىل گازدىڭ مولشەرى شۆەتسياداعى زياندى قالدىقتاردىڭ جىلدىق نورماسىنان اسىپ تۇسكەن»، دەيدى دي كاپريو.

جەلى قولدانۋشىلارى تانىمال اكتەردىڭ پىكىرىن قۋاتتاي كەتتى. وسىنداي جازبانى باسقا دا رەسەيلىك جانە شەتەلدىك ونەر جۇلدىزدارى جەكە پاراقشالارىنا جاريالاپ، ءسىبىر تۇرعىندارىنا قولداۋ كورسەتىپ جاتىر. 

ايتا كەتەيىك، NASA-نىڭ عارىشتان تۇسىرگەن سۋرەتتەرىنە قاراساڭىز، تاي­گا­داعى ءورتتىڭ ءتۇتىنى قازاقستاننىڭ ەداۋىر بولىگىنە دەيىن تاراپ ۇلگەرگەن. اسى­رەسە اۋاداعى زياندى گاز سولتۇستىك قازاق­ستان، شىعىس قازاقستان، پاۆلو­دار، قا­راعاندى، جانە الماتى وبلىس­تارى­نىڭ، سونداي-اق نۇر-سۇلتان قالاسى اۋ­ما­عىندا بايقالدى. 

جاقسىلىق مۇراتقالي،

«Egemen Qazaqstan»

سوڭعى جاڭالىقتار

ۆاكتسينا سالدىرعاندار سانى ارتتى

كوروناۆيرۋس • بۇگىن، 09:17

1227 قازاقستاندىق ىندەتتەن ساۋىقتى

كوروناۆيرۋس • بۇگىن، 09:08

وتكەن تاۋلىكتە 1169 ادام ىندەت جۇقتىردى

كوروناۆيرۋس • بۇگىن، 09:01

قارسىلاستار انىقتالدى

سپورت • بۇگىن، 08:47

پۋتينتسەۆا ۇتىلىپ قالدى

سپورت • بۇگىن، 08:46

مەرەي كۇمىس الدى

سپورت • بۇگىن، 08:45

سەربيادان ولجالى ورالدى

سپورت • بۇگىن، 08:43

تەمىرتاۋدا گاز تۇتاندى

ايماقتار • بۇگىن، 08:43

جومارت جاننىڭ جاقسىلىعى كوپ

قوعام • بۇگىن، 08:40

مەدال سانى 70-تەن استى

سپورت • بۇگىن، 08:38

ادەبيەتتانۋ تارلانى

ادەبيەت • بۇگىن، 08:33

شۇمەكتەن شىققان سۋ مەن شۋ

قوعام • بۇگىن، 08:23

«اينەگىڭىزدى جۋىپ بەرەيىك»

قوعام • بۇگىن، 08:21

اۋىل ەڭبەككەرلەرىمەن جۇزدەستى

ساياسات • بۇگىن، 08:15

شەكارانىڭ شەبى بەرىك

قازاقستان • كەشە

ۇقساس جاڭالىقتار