قاۋىپسىزدىك جانە قوعامدىق ءتارتىپ ساقشىلارىنىڭ قىراعىلىعى مەن ابجىلدىگى ارقاسىندا ماڭعىستاۋدان ءتورت ءىرى ۇيىمداسقان توپ قىلمىسكەرلەرى تۇزاققا ءتۇستى. قۇقىق قورعاۋ جانە قاۋىپسىزدىك ورىندارىنىڭ نازارىنا ادام ءولتىرۋ ماقساتىمەن ۇرلاۋ, اتىس قارۋ-جاراقتارى مەن ەسىرتكىنى ساقتاۋ, بىرەۋدى بوپسالاۋ بويىنشا كۇدىككە ىلىنگەن ءتورت قىلمىستىق توپ مۇشەلەرىنىڭ بىرەۋلەرى وبلىستىڭ اۋداندارى مەن جالدامالى پاتەرلەردەن, ەندى بىرەۋلەرى جول ۇستىندە قولعا ءتۇستى. ولاردىڭ, ياعني ۇيىمداسقان قىلمىستىق توپ مۇشەلەرىنىڭ بىرقاتار اۋىر جانە اسا اۋىر قىلمىستاردى جاساۋعا, ونىڭ ىشىندە ادام ولتىرۋگە جانە ۇرلاۋعا, اقشا قاراجاتىن بوپسالاۋعا قاتىستارى بار بولىپ شىقتى. سونداي-اق قۇزىرلى ورىندار تاراتقان اقپاراتقا قاراعاندا, ۇيىمداسقان قىلمىستىق توپ مۇشەلەرى قارۋلانعان, ءوزارا ۇيىمشىل جانە دورەكىلىگىمەن ەرەكشەلەنگەن. تۇرعىنداردىڭ ءومىرى مەن دەنساۋلىعىنىڭ قاۋىپسىزدىگىن قامتاماسىز ەتۋ ماقساتىندا ارنايى وپەراتسيا جۇرگىزۋگە ۇلتتىق قاۋىپسىزدىك كوميتەتىنىڭ جانە ىشكى ىستەر ورگاندارىنىڭ ارنايى جاساق كۇشتەرى مەن قۇرالدارى تارتىلىپ, 29 شىلدە كۇنى تاڭعى ساعات 6 شاماسىندا باستالعان شارا بارىسىندا تۇسكە دەيىن 20 ادام ۇستالدى. جالپى سول كەزدە قولعا تۇسكەندەردەن ەسىرتكى مەن كوپتەگەن قارۋ تاركىلەنىپ, 20-دان استام كۇدىكتى تەرگەۋ ورىندارىنا جەتكىزىلسە, 16 ادامعا قاتىستى بۇلتارتپاۋ شاراسى قولدانىلعان.
اتالعان وقيعاعا وراي قازاقستان رەسپۋبليكاسى باس پروكۋراتۋراسى ازاماتتاردى الەۋمەتتىك جەلىلەردە تاراۋى مۇمكىن ارانداتۋشىلىققا ەرمەۋگە جانە ۇرەيلەنبەۋگە, سونداي-اق زاڭسىز ارەكەتتەرگە بارماۋعا شاقىرىپ, جاعدايدىڭ قۇقىق قورعاۋ ورگاندارىنىڭ تولىق باقىلاۋىندا ەكەندىگىن, سونداي-اق ارنايى وپەراتسيانىڭ قورىتىندىسى جۇرتشىلىق نازارىنا جەتكىزىلەتىندىگىن ەسكەرتتى.
قىلمىس پەن قىلمىسكەر قوعامعا قاۋىپتى, زاڭ الدىندا جاۋاپتى. ەندى قولعا تۇسكەندەرگە زاڭ الدىندا جاۋاپ بەرىپ, ءوز كىنالارىنا ساي جازالارىن تارتۋ قالدى. بۇلار بۇعان دەيىن بەتى اشىلماي قالعان تالاي قىلمىستار مەن سۋدا سانى, قۇمدا ءىزى بايقالماي كەتكەن نەبىر قىلمىستاردىڭ ء«تول اۆتورلارى» بولار, كىم بىلگەن؟!
گۇلايىم شىنتەمىرقىزى,
«Egemen Qazaqstan»
ماڭعىستاۋ وبلىسى
