سەناتورلار شىمكەنتتىك جاستارمەن پىكىر الماسىپ, سەسسيا كەزىندە قابىلدانعان زاڭدار تۋرالى جان-جاقتى حاباردار ەتتى. جاستار زاڭداردىڭ تالقىلانۋ بارىسى تۋرالى مالىمەتتەر الىپ, وزدەرىن قىزىقتىرعان سۇراقتارعا جاۋاپ ەستىدى.
ن.بەكنازاروۆ مەن ا.قاپباروۆا جوعارعى زاڭ شىعارۋشى ورگاننىڭ جۇمىسى مەن حالىقتى الەۋمەتتىك قولداۋ جونىندەگى رەفورمالاردى ىسكە اسىرۋ بارىسى تۋرالى باياندادى. الەۋمەتتىك قامسىزداندىرۋ, جاستار جىلى اياسىندا جۇزەگە اساتىن شارالار تۋرالى دا ايتىلدى.
سەناتورلار قالاداعى بەلسەندى ءومىر ءسۇرۋ ورتالىعىندا بولىپ, زەينەتكەرلەرمەن جۇزدەستى. شىمكەنتتەگى بۇل ورتالىق ەلباسى ن.نازارباەۆتىڭ ازاماتتاردىڭ ءومىر ءسۇرۋ جاسىن ۇزارتۋ جانە بۇقارالىق سپورتتى دامىتۋ تۋرالى تاپسىرمالارىن ىسكە اسىرۋ اياسىندا اشىلعان بولاتىن. دەپۋتاتتار بولات وتەمۇراتوۆ قورىنىڭ «اسىل ميراس» اۋتيزم ورتالىعىنىڭ تىنىس-تىرشىلىگىمەن دە تانىستى.
