ايماقتار • 31 شىلدە، 2019

اقتاۋدا مەديتسينالىق ساقتاندىرۋ جۇيەسى تۋرالى سەمينار ءوتتى

«مەديتسينالىق ساقتاندىرۋ قورى» جەرگىلىكتى ساراپشىلارى اقتاۋداعى بىرنەشە مەديتسينالىق ۇيىمدارعا وقىتۋ-سەمينار جۇرگىزدى. سەمينار دەنساۋلىق سالاسىنداعى جاڭا رەفورما – مىندەتتى الەۋمەتتىك مەديتسينالىق ساقتاندىرۋ ء(مامس) جۇيەسىنىڭ ەنۋى جايىندا بولدى.

Egemen Qazaqstan

العاشقى سەمينار اقتاۋ قالالىق 1-ەمحانادان باستالعان. بۇدان كەيىن ساراپشىلار 22 شىلدە كۇنى وبلىستىق اۋرۋحانا، 23 مامىردا 2-قالالىق ەمحانا، 24 مامىر ونكولوگيا جانە تۋبەركۋلەزگە قارسى ديسپانسەرلەردە وقىتۋ جۇرگىزگەن. وقىتۋ سوڭىندا قىزمەتكەرلەر ءبىلىم دەڭگەيىن تەكسەرۋ ءۇشىن تەست تاپسىرعان. «نەيرون» جەكە مەنشىك كلينيكاسىنىڭ 100-گە جۋىق مەديتسينا قىزمەتكەرلەرى دە دەنساۋلىق سالاسىنداعى 2020 جىلى وتەتىن وزگەرىستەر تۋرالى ءدارىس الدى.

«دارىگەرلەر ءۇشىن بۇل تىڭ جاڭالىق ەمەس. ەمحانا قىزمەتكەرلەرىن ساقتاندىرىلعان ازاماتتارعا قانداي ارتىقشىلىقتار بەرىلەدى، ساقتاندىرىلماعان ازاماتتار تەگىن ەمحاناعا قارالا الا ما دەگەن سۇراقتار قىزىقتىردى. شۇعىل جاعدايلاردا كومەك كورسەتۋ، جەدەل جاردەم، سانيتارلىق اۆياتسيا، بىرقاتار سوزىلمالى اۋرۋلاردى ديناميكالىق باقىلاۋ، شۇعىل جاعدايدا ستاتسيوناردا ەمدەۋ – مۇنى بارلىق ازاماتتار، ساقتاندىرىلعان-ساقتاندىرىلماعانىنا قاراماي پايدالانا الادى. مەملەكەت تاراپىنان كەپىلدىك بەرىلگەن كومەك بويىنشا بارلىق ازاماتتار: ەمحاناعا قارالىپ، ستاتسيوناردا جاتىپ ەمدەلە الادى. الەۋمەتتىك ماڭىزى بار اۋرۋلار دا تەگىن ەمدەلەدى. مەديتسينالىق وڭالتۋ قىزمەتىن تەك تۋبەركۋلەزگە شالدىققاندارعا عانا پايدالانا الادى. نەگىزگى جۇقپالى ەمەس اۋرۋلار مەن قورشاعان ورتاعا قاۋىپ توندىرەتىن جۇقپالى اۋرۋلار دا تەگىن ەمدەلەدى. ياعني، كەپىلدەندىرىلگەن ستاندارت ازاماتتاردىڭ بارىنە، بيۋدجەت ەسەبىنەن تەگىن كورسەتىلەدى، - دەدى ء«مامس» قورى جەرگىلىكتى فيليالىنىڭ ساراپشىسى لاۋرا قالدىعوجينا.

ال ساقتاندىرىلعان ازاماتتار ءمامس پاكەتىندەگى قىمبات بولىپ كەلەتىن وپەراتسيالار، سيرەك مەديتسينالىق قىزمەت تۇرلەرى، سالالىق مامانداردىڭ قابىلداۋى سىندى قىزمەتتەردى الادى. ءمامس پاكەتىنە تابىسى ورتاشا ازاماتتاردىڭ قالتاسى كوتەرە بەرمەيتىن: مرت، كومپيۋتەرلىك توموگرافيا، پتسر-اناليز سىندى قىزمەتتەر دە ەنگىزىلدى.

«مىندەتتى الەۋمەتتىك مەديتسينالىق ساقتاندىرۋدىڭ بىزگە نە قاجەتى بار؟ تۇرعىندار دەنساۋلىققا جۇمسالاتىن جالپى شىعىننىڭ 40 پروتسەنتىن ءوز قالتاسىنان تولەيدى ەكەن. ياعني ادامدار ءوز قالتاسىنان ءدارى-دارمەك ساتىپ الادى، اقىلى كلينيكالارعا قارالادى. بۇل تۇرعىنداردىڭ الەۋمەتتىك تۇرمىسىنا ەداۋىر سالماق تۇسىرەتىنى داۋسىز. جاڭا رەفورمانىڭ ماڭىزى سول، وسى شىعىنداردىڭ بەلگىلى ءبىر بولىگىن ساقتاندىرۋ ەسەبىنەن جابۋعا مۇمكىندىك بەرەدى»، - دەيدى ء«مامس» قورى جەرگىلىكتى فيليالىنىڭ ءبولىم باسشىسى ايگۇل دادەن.

مەديتسينالىق ساقتاندىرۋ قورى ماماندارى الداعى ۋاقىتتا اۋدانداعى ەمحانالاردى ارالاپ، سەمينار جۇرگىزەتىن بولادى.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز