قازاقستان رەسپۋبليكاسى سىبايلاس جەمقورلىققا قارسى ءىس-قيمىل اگەنتتىگى قىزىلوردا وبلىستىق دەپارتامەنتى «قازالى اۋداندىق قۇرىلىس, ساۋلەت جانە قالا قۇرىلىسى ءبولىمى» قمم باسشىسى ب.تيىشتىقوۆ پەن «اگروسپەتسمونتاج» وك ديرەكتورىنىڭ ورىنباسارى ن.ابۋوۆكە قاتىستى سوتقا دەيىنگى تەرگەۋ ءىسىن اياقتادى.
ب.تيىشتىقوۆ قىزمەتتىك وكىلەتىن اسىرا پايدالانا وتىرىپ, قازالى قالاسىندا قۇرىلىس جۇرگىزىلەتىن تۇرعىن ءۇي ينفراقۇرىلىمدارىن قامتاماسىز ەتۋ نىسانىنىڭ قۇرىلىسى كەزىندە جالعان ورىندالعان جۇمىستار اكتىسىنە قول قويعان. وسىنىڭ ناتيجەسىندە ن.ءابۋوۆ 16,8 ملن تەڭگە سوماسىندا بيۋدجەت قاراجاتىن يەمدەنگەن.
جاقىندا قازالى اۋداندىق سوتىنىڭ ۇكىمىمەن تيىشتىقوۆتىڭ - 1 جىلعا, ءابۋوۆتىڭ - 6 جىلعا باس بوستاندىعى شەكتەلدى.
